SUN குழுமத்திலிருந்து வெளிவரும் காலை நாளிதழ்

Urban Tree

ஸ்டெர்லைட் ஆலை வழக்கில் எதிர் மனுதாரராக சேர்க்க வைகோ மனு தாக்கல்

2018-07-14@ 01:05:03

புதுடெல்லி: ஸ்டெர்லைட் ஆலை தொடர்பான வழக்கில் தன்னை எதிர் மனுதாரராக சேர்க்கும்படி தேசிய பசுமை தீர்ப்பாயத்தில்  வைகோ மனு தாக்கல் செய்துள்ளார். தூத்துக்குடியில் உள்ள ஸ்டெர்லைட் ஆலைக்கு எதிராக போராட்டம் நடத்தியவர்கள் மீது போலீசார் நடத்திய துப்பாக்கிச்சூட்டில் 13 பேர் கொல்லப்பட்டனர். பலர் காயமடைந்து மருத்துவமனையில் சிகிச்சை பெற்று வருகின்றனர். இதையடுத்து, ஸ்டெர்லைட் ஆலையை தமிழக அரசு மூடியது.  இதை எதிர்த்து ஸ்டெர்லைட் ஆலையை நடத்தும் வேதாந்தா நிறுவனத்தின் சார்பாக தேசிய பசுமை தீர்ப்பாயத்தில் வழக்கு தொடரப்பட்டது. அதில், ‘ஸ்டெர்லைட் ஆலைக்கு மத்திய சுற்றுச்சூழல் அமைச்சகம் தடை எதையும் விதிக்கவில்லை.

இந்த நிலையில், ஆலையின்  மின்சார சப்ளை, தண்ணீர் இணைப்புகளை துண்டித்து, ஆலையை மூடி தமிழக அரசு சீல் வைத்துள்ளது. இதனால், ஆலையின் பராமரிப்பு பணி முற்றிலும் முடங்கி உள்ளது. நாங்க ஆலையை திறக்க இடைக்கால அனுமதி வழங்க வேண்டும்’ என கூறப்பட்டுள்ளது. இதை நிராகரித்த தீர்ப்பாயம், இந்த மனுவுக்கு 10 நாட்களில் பதிலளிக்கும்படி தமிழக அரசுக்கு உத்தரவிட்டது.  இந்நிலையில், இந்த வழக்கில் தன்ைனயும் ஒரு எதிர் மனுதாரராக சேர்க்கும்படி கோரி தேசிய பசுமை தீர்ப்பாயத்தில் மதிமுக பொதுச்செயலாளர் வைகோ நேற்று புதிய மனு தாக்கல் செய்துள்ளார். இந்த வழக்கு விசாரணை வரும் 18ம் தேதி மீண்டும் நடக்கிறது. அப்போது, வைகோ ஆஜராவார் என எதிர்பார்க்கப்படுகிறது.

மேலும் செய்திகள்

மருத்துவம்

Medical Trends கைகளின் வலி
Like Us on Facebook Dinkaran Daily News
  • damagedvinayr_idoles00

    விநாயகர் சதுர்த்தியையடுத்து பல்வேறு பகுதிகளில் நீர் நிலைகளில் உடைந்து சிதறி கிடைக்கும் விநாயகர் சிலைகள் !

  • delhiaccid_childead

    டெல்லியில் கட்டடம் இடிந்து விபத்து : பெண் உட்பட 4 குழந்தைகள் பலி !

  • dogsketc_123amer

    பனிச்சறுக்கு விளையாடும் உலகின் முதல் நாய் : வியக்க வைத்த பென்னி !

  • thailandbirdsing

    தாய்லாந்தில் நடைபெற்ற பறவைகள் பாடும் போட்டி : ஆயிரக்கணக்கான பறவைகள் பங்கேற்பு

  • presimodhi_madhya123

    மத்தியப் பிரதேசத்தில் பாஜக நிர்வாகிகள் கூட்டம் : பிரதமர் மோடி, அமித்ஷா பங்கேற்பு

படங்கள் வீடியோ கல்வி சினிமா ஜோ‌திட‌ம்