SUN குழுமத்திலிருந்து வெளிவரும் காலை நாளிதழ்

Satya Summer Offer

பாமகவை கூட்டணிக்கு நாங்கள் அழைக்கவில்லை : தமிழிசை பேட்டி

2018-07-14@ 00:57:39

சென்னை: பாமக தலைவர் ராமதாசை, எங்கள் கூட்டணிக்கு நாங்கள் அழைக்கவில்லை என பாஜ மாநில தலைவர் தமிழிசை சவுந்தரராஜன் கூறினார். தமிழக பாஜ தலைவர் தமிழிசை சவுந்தரராஜன், சென்னையில் இருந்து நேற்று காலை 6.30 மணிக்கு விமானம் மூலம் மதுரை புறப்பட்டு சென்றார்.
முன்னதாக அவர், சென்னை விமான நிலையத்தில் செய்தியாளர்களுக்கு அளித்த பேட்டி: பொருளாதார வளர்ச்சியில் பிரான்ஸ் நாட்டை பின்னுக்கு தள்ளிவிட்டு, இந்தியா 6வது இடத்துக்கு முன்னேறியுள்ளது. இதையெல்லாம் மறைப்பதற்காக காங்கிரசும், எதிர்க்கட்சியினரும் பொய் பிரசாரம் செய்கின்றனர்.

கடந்த 2014ம் ஆண்டு பாஜ தலைமையில் தேசிய ஜனநாயக கூட்டணி அமைக்கப்பட்டது. தற்போது எங்கள் கூட்டணியில் எந்த கட்சிகள் வேண்டுமானாலும் சேரலாம். பாஜ தலைமையில்தான், தேசிய ஜனநாயக கூட்டணி அமையும். அதில், புதிதாக எந்த கட்சிகளும், ஏற்கனவே இருந்து வெளியேறிய கட்சிகளும் வந்து இணையலாம். நாங்கள், எங்கள் கூட்டணியில் யார் வந்தாலும் ஏற்றுக்கொள்ள தயாராக இருக்கிறோம். தேர்தல் நெருங்கும்போது அதுபற்றி இறுதி முடிவு எடுக்கப்படும். பாமக தலைவர் ராமதாஸ், பாஜ கூட்டணியில் சேர மாட்டோம் என கூறியுள்ளார். நாங்கள், அவரை எங்களது கூட்டணிக்கு வரும்படி அழைக்கவில்லை. அதே நேரத்தில், அவர்கள் ஒன்றை மனதில் நினைக்க வேண்டும். இலங்கையில் லட்சக்கணக்கான தமிழர்கள், கொன்று குவிப்பதற்கு காரணமாக இருந்தது, காங்கிரஸ் கட்சி தலைமையில் நடந்த மத்திய ஆட்சிதான். அதை அவர்கள் மறக்க கூடாது. இவ்வாறு கூறினார்.


மேலும் செய்திகள்

Satya Summer Offer
Like Us on Facebook Dinkaran Daily News
  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

  • manohar_cm12

    கோவா முதல்வர் மனோகர் பாரிக்கரின் உடலுக்கு அரசியல் பிரமுகர்கள், பொதுமக்கள் அஞ்சலி

படங்கள் வீடியோ கல்வி சினிமா ஜோ‌திட‌ம்