இஸ்லாமாபாத்: வடமேற்கு பாகிஸ்தானில் இஸ்லாமிய கட்சியினர் தேர்தல் பிரச்சாரத்தில் வாகன பேரணியின் போது வெடிகுண்டு வெடித்ததில் 5 பேர் உயிரிழந்துள்ளனர் மற்றும் 37 பேர் காயமடைந்துள்ளனர். வரும் 25ம் தேதி பாகிஸ்தான் பாராளுமன்ற தேர்தல் நடைபெற உள்ளது. இந்நிலையில் கைபர் பாக்துன்க்வா மாகாணத்தில் அக்ரம் கான் துர்ரானி இன்று காலை பிரசாரத்திற்கு புறப்பட்டுச் சென்றார். அப்போது, பன்னு நகரில் அவரை குறிவைத்து வெடிகுண்டு தாக்குதல் நடத்தப்பட்டது. அவரது வாகன அணி வகுப்பிற்கு மிக அருகாமையில் குண்டு வெடித்து. இந்த தாக்குதலில் துர்ரானி அதிர்ஷ்டவசமாக உயிர்தப்பினார். பலத்த போலீஸ் பாதுகாப்பையும் மீறி பொதுக்கூட்டம் நடைபெற உள்ள பகுதியில் இருந்து 50 மீட்டர் தொலைவில் இந்த தாக்குதல் நடத்தப்பட்டுள்ளது.