SUN குழுமத்திலிருந்து வெளிவரும் காலை நாளிதழ்

தகவல் உரிமை சட்டத்தில் பிசிசிஐ ஏன் வரவில்லை? மத்திய அமைச்சகம் பதில் அளிக்க உத்தரவு

2018-07-13@ 03:08:21

புதுடெல்லி : தகவல் உரிமை சட்டத்தின் கீழ் பிசிசிஐ ஏன் வரவில்லை என்பதற்கு விளக்கம் அளிக்கும்படி மத்திய இளைஞர் நலம் மற்றும் விளையாட்டுத்துறை அமைச்சகத்திற்கு தகவல் உரிமை ஆணையர் நோட்டீஸ் அனுப்பி உள்ளார். சமூக நல ஆர்வலர் கீதா ராணி என்பவர் தகவல் உரிமை சட்டத்தின் கீழ் மத்திய இளைஞர் நலம் மற்றும் விளையாட்டுத் துறை அமைச்சகத்திற்கு ஒரு கடிதம் அனுப்பினார். அதில், ‘எந்த அடிப்படையில் இந்தியாவின் சார்பில் இந்திய கிரிக்கெட் வாரியம் (பிசிசிஐ) வீரர்களை அனுப்பி வைக்கிறது?, இந்தியா முழுவதும் வீரர்களை தேர்வு செய்ய எந்த அடிப்படையில் பிசிசிஐ.க்கு அனுமதி வழங்கப்பட்டது?, அப்படி அனுமதி வழங்கப்பட்டு இருந்தால், சர்வதேச போட்டிகளில் நாட்டின் சார்பில் தனியார் அமைப்பில் இருந்து வீரர்கள் பங்கேற்க அனுமதி அளித்தது எப்படி? இந்த உரிமையை கொடுத்ததால் மத்திய அரசுக்கு கிடைத்த பயன் என்ன? என்பது உள்பட 12 கேள்விகளை எழுப்பியிருந்தார்.

அந்த கடிதத்திற்கு மத்திய அமைச்சகம் அளித்த பதிலில், ‘எங்களிடம் எந்த ஒரு தகவலும் இல்லை. ஏனெனில், பிசிசிஐ பொது அமைப்பு அல்ல. எனவே, தகவல் உரிமை சட்டத்தின் கீழ் அது வராது. மேலும், தகவல் உரிமை சட்டத்தின் கீழ் கேட்கப்படும் கேள்விகளை பிசிசிஐ அமைப்புக்கு அனுப்பி வைக்க முடியாது’ என்று கூறப்பட்டு இருந்தது. இதையடுத்து, அவர் மத்திய தகவல் ஆணையத்தில் இந்த கேள்வி குறித்து பதில் அளிக்கும்படி மனு அளித்தார். இந்த மனுவை பரிசீலித்த மத்திய தகவல் ஆணையர்தர் ஆச்சார்யலு, இதுகுறித்து பதில் அளிக்கும்படி மத்திய இளைஞர் நலம் மற்றும் விளையாட்டுத்துறை அமைச்சகத்திற்கு உத்தரவிட்டுள்ளார். இதுதொடர்பாக அவர் கூறியதாவது; தகவல் உரிமை சட்டத்தின் கீழ் ஏன் பிசிசிஐ வரவில்லை? பல்வேறு நீதிமன்ற உத்தரவுகளுக்கு பின்னரும், சட்ட அமைச்சகத்தின் அறிவுரைக்கு பின்னரும் ஏன் தகவல் உரிமை சட்டத்தின் கீழ் பிசிசிஐ அமைப்பை கொண்டு வர மத்திய அமைச்சகம் நடவடிக்கை எடுக்கவில்லை?  

பிசிசிஐயில் உள்ள வெளிப்படையில்லா தன்மை, எந்த ஒரு நடவடிக்கைக்கும் சரியான பதில் கூறாத நிலை, சட்ட காரணங்களை தெரிவிக்காமல் இருப்பது ஆகியவற்றை முடிவுக்கு கொண்டு வர மத்திய தகவல் உரிமை ஆணையம் நேரடியாக தலையிட்டுள்ளது. ஏனெனில், மனுதாரரின் கேள்வி இங்கு மிகவும் முக்கியமானது. இது இந்திய அணியா அல்லது பிசிசிஐ அணியா  என்று கேள்வி எழுப்பியுள்ளார். எனவே பொதுநலன் கருதியும், நேர்மையான கிரிக்கெட் விளையாட்டிற்காகவும், அணியில் விளையாடும் வீரர்கள் நேர்மையான முறையில் தேர்வு செய்யப்படவும், பிசிசிஐ வெளிப்படைத் தன்மையுடனும், சட்டத்திற்கு உட்பட்டதாகவும் தகவல் உரிமை சட்டத்திற்கு பதில் சொல்லக்கூடிய ஒரு அமைப்பாகவும் மாற வேண்டும். எனவே, இதுதொடர்பான விளக்கத்தை மத்திய இளைஞர்நலன் மற்றும் விளையாட்டுத்துறை அமைச்சகம் அளிக்க வேண்டும். இவ்வாறு அவர் தெரிவித்தார்.


மேலும் செய்திகள்

Like Us on Facebook Dinkaran Daily News
  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

  • SuperSnowMoon2k19

    அதிக ஒளியுடனும், பூமிக்கு மிக அருகிலும் தெரிந்த சூப்பர் மூன்: ரம்மியமான அரிய நிகழ்வை கண்டு ரசித்த மக்கள்!

  • 20-02-2019

    20-02-2019 இன்றைய சிறப்பு படங்கள்

  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்