SUN குழுமத்திலிருந்து வெளிவரும் காலை நாளிதழ்

ஜாதவ் தூக்கு தண்டனை வழக்கு சர்வதேச நீதிமன்றத்தில் பாக். 2வது பதில் மனு

2018-07-13@ 01:25:08

இஸ்லாமாபாத்: குல்புஷன் ஜாதவ் தூக்கு தண்டனை வழக்கில் வரும் 17ம் தேதி சர்வதேச நீதிமன்றத்தில் பாகிஸ்தான் 2வது பதில் மனுவை தாக்கல் செய்கிறது. இந்தியாவை சேர்ந்த குல்புஷன் ஜாதவை பலுசிஸ்தான் மாகாணத்தில் கடந்த 2016ம் ஆண்டு, மார்ச் 3ம் தேதி பாகிஸ்தான் ராணுவம் கைது செய்தது. இந்திய கடற்படையை சேர்ந்த இவர், தனது நாட்டில் உளவு பார்க்கவும், தீவிரவாத செயல்களுக்கு நிதியுதவி செய்யவும் ஊடுருவியதாக அது குற்றம்சாட்டியது. இந்த வழக்கை விசாரித்த பாகிஸ்தான் ராணுவ நீதிமன்றம், ஜாதவுக்கு தூக்கு தண்டனை விதித்தது.

இதை எதிர்த்து சர்வதேச நீதிமன்றத்தில் மத்திய அரசு கடந்தாண்டு மே மாதம் வழக்கு தொடர்ந்தது. 10 நீதிபதிகள் கொண்ட அமர்வு இதை விசாரித்து, இந்த வழக்கில் தீர்ப்பு அளிக்கப்படும் வரையில் ஜாதவின் தண்டனையை நிறைவேற்றக் கூடாது என கடந்தாண்டு, மே 18ம் தேதி பாகிஸ்தானுக்கு உத்தரவிட்டது. இந்த வழக்கில் தனது 2வது பதில் மனுவை தாக்கல் செய்வது பற்றி இஸ்லாமாபாத்தில் பாகிஸ்தான் இடைக்கால பிரதமர் நசிருல் முல்க் நேற்று ஆலோசனை நடத்தினார்.  இதில், 2வது பதில் மனுவை வரும் 17ம் தேதி தாக்கல் செய்ய முடிவு செய்யப்பட்டது. இதேபோல், இந்தியாவும் தனது தரப்பு வாதத்தை எழுத்துப்பூர்வமாக தாக்கல் செய்ய உள்ளது.


மேலும் செய்திகள்

Like Us on Facebook Dinkaran Daily News
  • mahipoornima

    கும்பமேளாவில் மகி பூர்ணிமா கோலாகலம் : கங்கைக்கு திரண்டு வந்து புனித நீராடிய பக்தர்கள்

  • AeroShowBangalore19

    பெங்களூருவில் ஆசியாவின் மிகப்பெரிய ஏர் ஷோ: ரஃபேல் உள்ளிட்ட கண்கவர் விமானங்கள் சாகசம்

  • ChennaiMarinaMaasiMagam

    மாசி மகத்தை முன்னிட்டு சென்னை மெரினா கடற்கரையில் நடைபெற்ற தீர்த்தவாரி நிகழ்ச்சியின் புகைப்படங்கள்

  • AlbinoTurtleheart

    உடலின் வெளிப்புறத்தில் இதயத்துடன் பிறந்துள்ள அபூர்வ வெள்ளை ஆமை: ஆச்சரியத்தில் ஆராய்ச்சியாளர்கள்!

  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்