SUN குழுமத்திலிருந்து வெளிவரும் காலை நாளிதழ்

ஏடிஎம் கார்டு மோசடி வழக்கில் முக்கிய குற்றவாளி சந்துருஜி காலாப்பட்டு சிறையில் அடைப்பு: 5 நாள் காவலில் விசாரிக்க சிபிசிஐடி மனு

2018-07-13@ 01:13:52

புதுச்சேரி: போலி ஏடிஎம் கார்டு மோசடி வழக்கில் முக்கிய குற்றவாளி சந்துருஜி காலாப்பட்டு மத்திய சிறையில் அடைக்கப்பட்டார். அவரை 5 நாள் காவலில் எடுக்க சிபிசிஐடி போலீசார் மனு தாக்கல் செய்துள்ளனர். தமிழகம், புதுச்சேரி மட்டுமின்றி தென்மாநிலங்களில் நடந்த போலி ஏடிஎம் கார்டு மோசடி தொடர்பாக புதுச்சேரி சிபிசிஐடி போலீசார், 15 பேரை கைது செய்தனர். இவ்வழக்கில் முக்கிய குற்றவாளி சந்துருஜியை 82 நாட்களுக்கு பிறகு சென்னை வியாசர்பாடியில் வைத்து சிபிசிஐடி போலீசார் நேற்று முன்தினம் கைது செய்தனர்.  புதுச்சேரி கொண்டுவரப்பட்ட சந்துருஜியிடம் சீனியர் எஸ்பி ராகுல் அல்வால் விசாரணை மேற்கொண்டார். பின்னர் அவரை நேற்று மதியம் புதுச்சேரி தலைமை குற்றவியல் நீதிமன்றத்தில் ஆஜர்படுத்தினர்.

அவரை வரும் 26ம் தேதி வரை நீதிமன்ற காவலில் வைக்கும்படி நீதிபதி கிருஷ்ணசாமி உத்தரவிட்டார். அதன்பேரில் சந்துருஜி, காலாப்பட்டு மத்திய சிறையில் அடைக்கப்பட்டார். கைதான சந்துருஜியிடம் முழுமையான விசாரணை நடத்த முடியாததால் அவரை 5 நாள் காவலில் எடுத்து விசாரிக்க சிபிசிஐடி போலீசார் முடிவு செய்துள்ளனர். இதற்காக தலைமை குற்றவியல் நீதிமன்றத்தில் சிபிசிஐடி போலீசார் நேற்று மனு செய்தனர். இந்த மனு, இன்று விசாரணைக்கு வரவுள்ளது.  ஏடிஎம் கார்டு, கிரெடிட் கார்டு மோசடியில் ெமாத்தம் 140 பேர் வரை பாதிக்கப்பட்டுள்ளனர்.

முதல்வரிடம் டிஜிபி விளக்கம்
டிஜிபி சுந்தரி நந்தா ஏடிஎம் கார்டு மோசடி வழக்கு தொடர்பாக முதல்வர் நாராயணசாமியை நேற்று நேரில் சந்தித்து விளக்கம் அளித்தார். அப்போது சந்துருஜியிடம் நடத்தப்பட்ட விசாரணை குறித்தும் கூறியதாக தெரிகிறது. அப்போது இவ்வழக்கில் யார் சம்பந்தப்பட்டிருந்தாலும் பாரபட்சமின்றி நடவடிக்கை எடுக்க டிஜிபியை முதல்வர் அறிவுறுத்தி உள்ளார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • SnakesDayatGuindy

    சென்னை கிண்டி பாம்புப்பண்ணையில் உலக பாம்புகள் தினம் கொண்டாடப்பட்டது

  • PMspeachshellfellwb

    மேற்குவங்கத்தில் பிரதமர் உரையின்போது கொட்டகை சரிந்து விழுந்தது: காயமடைந்தவர்கள் மருத்துவமனையில் அனுமதி

  • BastilleDaycelebration

    பிரான்ஸ் நாட்டின் தேசிய தினம் கொண்டாட்டம்: 100 விமானங்களின் சாகச நிகழ்ச்சி

  • BodyPaintingFestival

    உடல் ஓவியத் திருவிழா 2018: வித்தியாசமான தோற்றத்தில் மாடல்கள்

  • 21stAnnualMudfestival

    தென்கொரியாவில் 21வது வருடாந்திர சேறு தின விழா கொண்டாட்டம்

படங்கள் வீடியோ கல்வி சினிமா ஜோ‌திட‌ம்