SUN குழுமத்திலிருந்து வெளிவரும் காலை நாளிதழ்

வீடு கட்டுபவரை மிரட்டி 2 லட்சம் கேட்டு மிரட்டல் போலி சிஎம்டிஏ அதிகாரிகள் கைது

2018-07-13@ 01:03:18

சென்னை: புதிதாக வீடு கட்டும் நபரிடம் முறையாக சிஎம்டிஏ அங்கீகாரம் இல்லாமல் வீடுகட்டுவதாக கூறி 2 லட்சம் கேட்டு மிரட்டிய போலி சிஎம்டிஏ அதிகாரிகள் இரண்டு பேரை போலீசார் கைது ெசய்தனர். சென்னை விருகம்பாக்கம் யாதவ் தெருவை சேர்ந்தவர் பசுபதி (48). இவர் புதிதாக வீடு கட்டி வருகிறார். ேநற்று மதியம் இரண்டு பேர் பசுபதி வீடு கட்டும் இடத்திற்கு வந்தனர். வீட்டின் உரிமையாளர் பசுபதியை அழைத்து, ‘‘நீங்கள் சிஎம்டிஏ அனுமதி இல்லாமல் வீடுகட்டுவதாக எங்களுக்கு புகார்கள் வந்துள்ளது. எனவே, நீங்கள் வீடுகட்டுவதற்கான சிஎம்டிஏ அனுமதியை காட்டுங்கள்’’ என்று கேட்டுள்ளனர். இதனால் அதிர்ச்சியடைந்த பசுபதி, ‘‘நான் முறையாக அனுமதி பெற்று தான் வீடு கட்டுகிறேன். உங்களை பார்த்தால் சிஎம்டிஏ அதிகாரிகள் போல் இல்லையே’’ என்று கூறி உங்கள் அடையாள அட்டையை காட்டுங்கள் என்று பசுபதி கூறியுள்ளார். அதற்கு, ‘‘எங்களிடமே நீ அடையாள அட்டை கேட்கிறீயா’’ என்று கூறி சிஎம்ஏடி ெலட்டர் பேடில் முறையாக அனுமதி இல்லாமல் வீடு கட்டுவதாக கூறி அபராத தொகையாக 2 லட்சம் விதித்து அதற்கான ரசீதும் பசுபதியிடம் கொடுத்தனர்.

பின்னர், இருவரும், ‘‘அலுவலகம் வந்து அபராத தொகை கட்டினால் 2 லட்சம் கட்ட வேண்டும். எங்களை முறையாக கவனித்தால் நாங்கள் கண்டு கொள்ளாமல் செல்கிறோம்’’ என்று கூறியுள்ளனர். உடனே, பசுபதி உங்கள் அடையாள அட்டையை காட்டுங்கள் என்று திரும்ப கேட்டுள்ளார். அப்போது, ஒருவர் அடையாள அட்டையை எடுக்கும்போது கல்வித்துறை அதிகாரி என்ற ெபயரில் உள்ள அடையாள அட்டை ஒன்று கீழே விழுந்தது. இதைபார்த்த பசுபதி, பொதுமக்கள் உதவியுடன் இருவரையும் பிடித்து, விருகம்பாக்கம் போலீசில் ஒப்படைத்தனர்.
விசாரணையில், வியாசர்பாடியை சேர்ந்த தேவராஜ் (50), பெரம்பூரை சேர்ந்த கவுதம் (35) என தெரியவந்தது. இவர்கள் இருவரும் சிஎம்டிஏ உதவி கள அலுவலர் என்றும் கல்வித்துறை அதிகாரிகள் என்றும் போலியாக அடையாள அட்டைகள் தயாரித்து புதிய கட்டிடம் கட்டும் நபர்களிடம் மிரட்டி பல லட்சம் பணம் கொள்ளையடித்து வந்தது தெரியவந்தது. இதையடுத்து பிடிபட்ட தேவராஜ், கவுதமனை போலீசார் கைது செய்தனர். அவர்களிடம் இருந்து போலி  சிஎம்டிஏ ஐடி கார்டு, கல்வித்துறை ஐடிகார்டு, சிஎம்டிஏ ெலட்டர் பேட் ஆகியவற்றை பறிமுதல் செய்யப்பட்டது.


மேலும் செய்திகள்

Like Us on Facebook Dinkaran Daily News
  • HodeidahYemen

    ஏமனில் உள்நாட்டுப் போர் தீவிரம்...! ஹூடேடா துறைமுகத்தில் நடந்த சண்டையில் 61 பேர் பலி

  • PizzaGuinnessArgentina

    அர்ஜென்டினாவில் 12 மணி நேரத்தில் 11,287 பீட்சாக்களை தயாரித்து சமையல் கலைஞர்கள் கின்னஸ் சாதனை

  • JordanFloodPetra12

    ஜோர்டானில் வரலாறு காணாத கனமழையால் வெள்ளத்தில் சிக்கி 12 பேர் பலி: மீட்பு பணிகள் தீவிரம்

  • EbolaCongoAfrica200

    தீவிரமடையும் எபோலா வைரஸ்..: ஆப்பிரிக்க நாடான காங்கோவில் 200 பேர் பலி!

  • AssemblyChattisgarElection18

    சத்தீஸ்கர் மாநிலத்தில் பலத்த பாதுகாப்புடன் முதற்கட்ட தேர்தல் வாக்குப்பதிவு: ஆர்வத்துடன் வாக்களிக்கும் மக்கள்

படங்கள் வீடியோ கல்வி சினிமா ஜோ‌திட‌ம்