லண்டன் : அமெரிக்க அதிபர் டொனால்ட் டிரம்ப் 4 நாள் பயணமாக பிரிட்டன் வந்துள்ளார். அமெரிக்க அதிபர் டொனால்ட் டிரம்ப் பெல்ஜியத்தில் நேட்டோ அமைப்பு மாநாட்டில் கலந்து கொள்ள சென்றிருந்தார். அங்கிருந்து பிரிட்டன் தலைநகர் லண்டனுக்கு நேற்று தனது மனைவி மெலானியாவுடன் வந்தார். விமான நிலையத்தில் அவரை சர்வதேச வர்த்தக அமைச்சர் லியாம் போக்ஸ் வரவேற்றார். இது டிரம்பின் முதல் அரசுமுறை லண்டன பயணமாகும். டிரம்ப் பிரிட்டனில் 4 நாட்கள் சுற்றுப்பயணம் செய்கிறார். பெரும்பாலும் அவரது பயணம் லண்டனுக்கு வெளியிலேயே திட்டமிடப்பட்டுள்ளது. பிரிட்டன் முன்னாள் பிரதமர் வின்ட்ஸ்டன் சர்ச்சில் பிறந்த இடத்தில் டிரம்ப்புக்கு நேற்று விருந்தளிக்கப்பட்டது.