SUN குழுமத்திலிருந்து வெளிவரும் காலை நாளிதழ்

தமிழகத்தில் இருந்து கேரளாவுக்கு கறிக்கோழி விற்பனை 70% சரிவு விலையும் குறைந்தது

2018-07-13@ 00:46:52

கோவை : கேரளாவில் பெய்து வரும் மழையால் கறிக்கோழி நுகர்வு குறைந்துள்ளது. இதனால் தமிழகத்தில் இருந்து கேரளாவிற்கு அனுப்பப்படும் கறிக்கோழிகள் 70 சதவீதம் குறைந்து தேக்கம் அடைந்துள்ளது. இதனால் கிலோவுக்கு ரூ50 குறைந்து, ரூ155க்கு விற்கப்படுகிறது. தமிழகத்தில் கோவை மற்றும் திருப்பூர் மாவட்டத்தில் 15க்கும் மேற்பட்ட கறிக்கோழி உற்பத்தியாளர்கள் உள்ளனர். இவர்கள் கோவை, திருப்பூர், ஈரோடு மாவட்டங்களில் உள்ள 15 ஆயிரத்திற்கும் மேற்பட்ட கறிக்கோழி வளர்ப்பு பண்ணைகள் மூலம் கறிக்கோழிகளை வளர்த்து, வாரத்திற்கு சராசரியாக 70 லட்சம் கறிக்கோழிகள் உற்பத்தி செய்கின்றனர். இதில் வாரம்தோறும் 30 லட்சம் கறிக்கோழிகள் கேரளாவிற்கும், 40 லட்சம் கறிக்கோழிகள் தமிழகத்திலும் விற்பனையாகிறது.

இந்நிலையில், கேரளாவில் கடந்த 2 வாரமாக பெய்து வரும் தென்மேற்கு பருவ மழையால் அங்கு கறிக்கோழி நுகர்வு வெகுவாக குறைந்துள்ளது. வாரத்திற்கு 21 லட்சம் குறைந்து 9  லட்சம் மட்டுமே விற்பனையாகிறது. இதனால் தமிழகத்தில் உற்பத்தியாகும் கறிக்கோழிகள் கடந்த ஒரு வாரமாக தேக்கமடைந்து, தமிழகத்தில் விலை சரிந்து வருகிறது. கடந்த 2ம் தேதி தமிழகத்தில் உள்ள கறிக்கோழி பண்ணைகளில் மொத்த கொள்முதல் விலை ஒரு கிலோ உயிருடன் ரூ101க்கும், 3ம் தேதி ரூ96க்கும், 5ம் தேதி ரூ90க்கும், 7ம் தேதி ரூ84க்கும், கடந்த 9ம் தேதி ரூ76க்கும், நேற்றுமுன்தினம் ரூ72க்கும் விற்கப்பட்டது. கடந்த ஒரு வாரத்தில் மொத்த விலை கிலோவிற்கு ரூ29 சரிந்துள்ளது. அதே போல் சில்லரை விற்பனை நிலையங்களில் கடந்த 2ம் தேதி உரித்த கறிக்கோழி கிலோ ரூ205க்கும், 3ம் தேதி ரூ190க்கும், 5ம் தேதி ரூ185க்கும், 7ம் தேதி ரூ175க்கும், 10ம் தேதி ரூ162க்கும், நேற்று ரூ155க்கும் விற்கப்பட்டது. கடந்த ஒரு வாரத்தில் சில்லரை விற்பனையில் உரித்த கோழி கிலோவிற்கு ரூ50 சரிந்துள்ளது.


மேலும் செய்திகள்

Like Us on Facebook Dinkaran Daily News
  • mahipoornima

    கும்பமேளாவில் மகி பூர்ணிமா கோலாகலம் : கங்கைக்கு திரண்டு வந்து புனித நீராடிய பக்தர்கள்

  • AeroShowBangalore19

    பெங்களூருவில் ஆசியாவின் மிகப்பெரிய ஏர் ஷோ: ரஃபேல் உள்ளிட்ட கண்கவர் விமானங்கள் சாகசம்

  • ChennaiMarinaMaasiMagam

    மாசி மகத்தை முன்னிட்டு சென்னை மெரினா கடற்கரையில் நடைபெற்ற தீர்த்தவாரி நிகழ்ச்சியின் புகைப்படங்கள்

  • AlbinoTurtleheart

    உடலின் வெளிப்புறத்தில் இதயத்துடன் பிறந்துள்ள அபூர்வ வெள்ளை ஆமை: ஆச்சரியத்தில் ஆராய்ச்சியாளர்கள்!

  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்