SUN குழுமத்திலிருந்து வெளிவரும் காலை நாளிதழ்

Urban Tree

சின்னமனூர் அருகே மான் இறைச்சி விற்க முயன்றவர்களுக்கு வலை

2018-07-12@ 20:40:12

சின்னமனூர்: சின்னமனூர் அருகே இறந்த கடமானின் உடலை அறுத்து இறைச்சியை விற்க முயன்றவர்களை வனத்துறையினர் தேடி வருகின்றனர்.தேனி மாவட்டம் சின்னமனூர் அருகே மேற்குத்தொடர்ச்சி மலையில் உள்ள ஹைவேவிஸ் பேரூரட்சி பகுதியில் வனத்துறை ரேன்ஜர் முருகன் மற்றும் ஊழியர்கள் நேற்று ரோந்து சென்றனர். மேகமலை பஸ் ஸ்டாப் நிழற்குடை பகுதியில் அவர்கள் கண்காணிப்பில் இருந்த போது, அப்பகுதியில் இறந்த நிலையில் கடமானின் தலை மற்றும் எலும்புகள் கிடப்பதை பார்த்தனர்.
வனத்துறையினர் விசாரணையில், அருகில் உள்ள வனப்பகுதியில் இருந்து வெளியேறிய 5 வயதுள்ள கடமான் ஒன்று அப்பகுதியில் உள்ள நீர் நிரம்பிய பள்ளத்தில் விழுந்து இறந்தது தெரியவந்தது.

மேலும் அடையாளம் தெரியாத சிலர் இறந்த கடமானின் உடலை அறுத்து இறைச்சியை விற்பனைக்கு எடுத்து சென்றது தெரியவந்தது.தொடர்ந்து வனத்துறையினர் தீவிரமாக தேடியபோது, அருகில் உள்ள ஒரு மாட்டு கொட்டைகையில் கடமானின் இறைச்சியை மர்மநபர்கள் போட்டு விட்டு தப்பியோடியது தெரிந்தது. இதனையடுத்து கடமானின் இறைச்சியை மீட்ட வனத்துறையினர், அதனை கால்நடை மருத்துவர்கள் ஆய்வுக்கு பின்னர் அப்பகுதியிலேயே பள்ளம் தோண்டி புதைத்தனர்.மேலும் இறந்த கடமானின் உடலை வெட்டி இறைச்சியை விற்பனைக்கு எடுத்து சென்றவர்களை தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • muharamfest

    நாடு முழுவதும் இஸ்லாமியர்களின் மொஹரம் பண்டிகை இன்று கொண்டாடப்பட்டது

  • nasaevanaktrump

    அமெரிக்காவில் உள்ள நாசாவின் ஜான்சன் விண்வெளி ஆய்வு மையத்தை பார்வையிட்ட இவாங்கா டிரம்ப்

  • florence&trumph

    பிளோரென்ஸ் புயலால் பாதிக்கப்பட்டவர்களை நேரில் சந்தித்து ஆறுதல் கூறிய அமெரிக்க அதிபர் டிரம்ப்

  • greenlandicemelt

    கிரீன்லாந்தில் வெப்பமயமாதலால் உருகும் பனிப்பாறைகள் : கடல் நீர்மட்டம் உயரும் அபாயம்

  • thirupathilast

    திருப்பதி ஏழுமலையான் கோவில் பிரம்மோற்சவ திருவிழா : சக்கரத்தாழ்வார் தீர்த்தவாரியுடன் நிறைவு

படங்கள் வீடியோ கல்வி சினிமா ஜோ‌திட‌ம்