SUN குழுமத்திலிருந்து வெளிவரும் காலை நாளிதழ்

ஊழல் செய்தவர்கள் யார்? ஊழலில் திளைத்தவர்கள் யார்? என்று மக்களுக்கு தெரியும்: அமித்ஷாவுக்கு செல்லூர் ராஜூ பதிலடி

2018-07-12@ 15:00:07

மதுரை: ஊழல் குறித்து பாஜக தேசிய தலைவர் அமித்ஷாவின் கருத்துகளுக்கு பதிலளிக்கும் வகையில் ஊழல்வாதிகள் யார் என்பது மக்களுக்கு தெரியும் என அமைச்சர் செல்லூர் ராஜூ பதிலடி கொடுத்துள்ளார். நேற்று முன்தினம் சென்னையில் நடைபெற்ற பாஜக மாநாட்டுக்கு வருகை தந்த பாஜக தேசிய தலைவர் அமித்ஷா, இந்தியாவிலேயே ஊழலில் திளைத்த மாநிலம் தமிழகம்தான் என்று பேசினார். இந்நிலையில், மதுரை மாவட்டம் மேற்குத் தொகுதியில் அமைந்துள்ள துவரிமான் கண்மாய் தூர் வாரும் பணியை அமைச்சர் செல்லூர் ராஜூ துவங்கி வைத்தார். அப்போது செய்தியாளர்களை சந்தித்த அவரிடம் அமித்ஷாவின் கருத்து குறித்து கேள்வி எழுப்பப்பபட்டது.

இதற்கு பதிலளித்த அவர், ஊழல் செய்தவர்கள் யார்? ஊழலில் திளைத்தவர்கள் யார்? என்று மக்களுக்கு தெரியும். ஜனநாயக நாட்டில் மக்கள் தான் எஜமானர்கள், நீதிபதிகள் என்று கூறியுள்ளார். எனவே தலைவர்களை தேந்தெடுக்க கூடிய மக்கள் இதனை தீர்மானிப்பார்கள் என்றும் அவர் தெரிவித்துள்ளார். மேலும், 50 லட்சம் ரூபாய் மதிப்பீட்டில் துவரிமான் கண்மாய் தூர்வாரும் பணி தொடங்கியுள்ளதாக அமைச்சர் கூறினார். மேட்டூர் அணை தூர்வாரப்பட்டு தற்போது மிகச்சிறப்பான முறையில் தண்ணீர் தேக்கப்பட்டு வருவதாகவும் உரிய நேரத்தில் தூர்வாரப்படுவதற்கான அறிவிப்பு தமிழக அரசால் வெளியிடப்படும் எனவும் அவர் கூறினார். வைகை அணை விரைவில் தூர் வாரப்படும் என்றும் செல்லூர் ராஜூ கூறியுள்ளார்.


மேலும் செய்திகள்

Like Us on Facebook Dinkaran Daily News
  • 129JawaharlalNehru

    நாட்டின் முதல் பிரதமர் ஜவஹர்லால் நேருவின் 129வது பிறந்தநாள்: அரசியல் தலைவர் மரியாதை

  • 2018TiruvannamalaiDeepam

    திருவண்ணாமலை கார்த்திகை தீபத்திருவிழா கொடியேற்றத்துடன் இன்று கோலாகலமாக தொடங்கியது

  • israelfire

    காஸா மீது சரமாரியாக குண்டுவீசிய இஸ்ரேல்: ராக்கெட் தாக்குதலுக்கு பதிலடி

  • singaporeasianmodi

    சிங்கப்பூரில் 13வது கிழக்காசிய உச்சி மாநாடு : பிரதமர் மோடி பங்கேற்பு!

  • crowd_thiruchendhuru11

    சூரபத்மனை வதம் செய்தார் சுவாமி ஜெயந்திநாதர் : சூரசம்ஹார நிகழ்ச்சியால் திருச்செந்தூர் விழா கோலம் பூண்டது

படங்கள் வீடியோ கல்வி சினிமா ஜோ‌திட‌ம்