SUN குழுமத்திலிருந்து வெளிவரும் காலை நாளிதழ்

வரைவு திட்டம் தயார் பலாத்கார வழக்குகளை விசாரிக்க விரைவு நீதிமன்றம்

2018-07-12@ 02:02:17

புதுடெல்லி : பாலியல் பலாத்கார வழக்குகளை விசாரிக்க நாடு முழுவதும் சிறப்பு விரைவு நீதிமன்றங்களை அமைப்பதற்கான வரைவு திட்டம் தயார்நிலையில் உள்ளதாக மத்திய அரசின் நீதித்துறை தெரிவித்துள்ளது. பலாத்கார சம்பவங்களை முடிவு கட்டும் விதமாக கடந்த ஏப்ரல் மாதம் அவசர சட்டம் ஒன்றை மத்திய அரசு கொண்டு வந்தது. இந்த அவசர சட்டத்தின் ஒரு பகுதியாக பாலியல் பலாத்கார வழக்குகளை விசாரிக்க நாடு முழுவதும் சிறப்பு விரைவு நீதிமன்றங்களை அமைக்க மத்திய அரசு தற்போது தீவிரமாக திட்டமிட்டு வருகிறது. மத்திய உள்துறை செயலாளருடன் ஆலோசனை நடத்திய பிறகு இதற்கான வரைவு திட்டத்தை அதிகாரிகள் குழு தயாரித்துள்ளது.

இந்த நிலையில் மத்திய அரசிடம் இருந்து ஒரு அறிவிப்பு வெளியிடப்பட்டுள்ளது. அதில், “பாலியல் பலாத்கார குற்றங்களை விரைந்து விசாரிக்கும் விதமாக சிறப்பு விரைவு நீதிமன்றங்களை அமைப்பதற்கான வரைவு திட்டம் தயார் நிலையில் உள்ளது. மத்திய சட்ட அமைச்சகத்தின் ஒப்புதலுக்காக அது அனுப்பி வைக்கப்பட்டுள்ளது’’ என்று தெரிவிக்கப்பட்டுள்ளது. இதையடுத்து விரைவில் மத்திய அமைச்சரவை கூட்டத்தில் வரைவு திட்டம் பரிசீலனைக்கு வைக்கப்பட்டு ஒப்புதல் பெறப்பட்டு விரைவு நீதிமன்றங்களை அமைப்பதற்கான பணிகள் தொடங்கும் என்று எதிர்பார்க்கப்படுகிறது.


மேலும் செய்திகள்

Like Us on Facebook Dinkaran Daily News
  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

  • sriramayanatrain

    புறப்பட்டது ஸ்ரீ ராமாயண எக்ஸ்பிரஸ் : புண்ணிய தலங்களில் 16 நாட்கள் சுற்றுலாப் பயணம்

  • kajapuyal_roof111

    திருச்சியில் மரங்களை வேரோடு சாய்த்த கஜா புயல் : மின் கம்பங்கள், மேற்கூரைகளையும் சூறையாடியது

  • 16-11-2018

    16-11-2018 இன்றைய சிறப்பு படங்கள்

  • gslvrocket

    ஜிசாட் 29 செயற்கைகோளை சுமந்து வெற்றிகரமாக விண்ணில் பாய்ந்த ஜி.எஸ்.எல்.வி மார்க்3-டி2 ராக்கெட்

படங்கள் வீடியோ கல்வி சினிமா ஜோ‌திட‌ம்