SUN குழுமத்திலிருந்து வெளிவரும் காலை நாளிதழ்

மாநிலங்கள் தரவரிசையில் பின்தங்கியது எப்படி என விளக்கம் கேட்கிறது குஜராத் : தயாரிப்பு சரியில்லை என குற்றச்சாட்டு

2018-07-12@ 01:26:12

புதுடெல்லி : தொழில் துவங்க ஏதுவான மாநிலங்களின் பட்டியலில் 5வது இடத்துக்கு தள்ளப்பட்டதால் குஜராத் அரசு அதிர்ச்சி அடைந்துள்ளது. இதுகுறித்து மத்திய அரசிடம் விளக்கம் கேட்டுள்ள குஜராத், பட்டியல் தயாரிப்பு நடைமுறை சரியில்லை என குற்றம் சாட்டியுள்ளது. இந்தியாவில் உள்ள மாநில, யூனியன் பிரதேச அரசுகள் மேற்கொண்ட தொழில் சீர்திருத்தங்களை அடிப்படையாக கொண்டு, உலக வங்கியும் தொழில்துறை கொள்கை மற்றும் ஊக்குவிப்புத் துறையும் இணைந்து ஆய்வு நடத்தின. அதன் அடிப்படையில், தொழில் துவங்க ஏதுவான மாநிலங்களின் பட்டியலை அவை வெளியிட்டுள்ளன. இந்த பட்டியலில் ஆந்திரா முதலிடம் பிடித்துள்ளது. தெலங்கானா, அரியானா, ஜார்கண்ட் மற்றும் குஜராத் மாநிலங்கள் அடுத்தடுத்த இடங்களை பிடித்துள்ளன. தமிழகம் 15வது இடத்திலும், தலைநகர் டெல்லி 23வது இடத்திலும் உள்ளன.

இந்நிலையில், இந்த பட்டியலில் கடந்தாண்டு 3வது இடத்தை வகித்த குஜராத் அரசுக்கு, இப்போது 2 இடங்கள் பின்னோக்கி சென்றிருப்பது  அதிர்ச்சியை அளித்துள்ளது. இது எப்படி நடந்தது என்பது குறித்து மாநில தொழில் துறை கொள்கை மற்றும் ஊக்குவிப்பு துறையிடம் விளக்கம் கேட்டுள்ளது. இது குறித்து குஜராத் அரசு அதிகாரி ஒருவர் கூறுகையில், “இந்த தர வரிசைக்கும், இந்த பட்டியல் தயாரிக்கப்பட்ட நடைமுறைக்கும் குஜராத் கண்டனம் தெரிவித்துள்ளது. அரியானாவை விட அதிக மதிப்பெண்களை குஜராத் பெற்றுள்ளது. அரியானா 82.9 சதவீதம் பெற்றுள்ள நிலையில், குஜராத் 83.64 சதவீத புள்ளிகளை பெற்றுள்ளது. இருந்தாலும், அரியானாவை விட குஜராத் 2 இடங்கள் பின் தங்கியது பற்றி தொழில்துறை கொள்கை மற்றும் ஊக்குவிப்புத் துறையிடம் விளக்கம் கேட்டுள்ளோம்” என்றார். இந்த ஆய்வில் கடந்த 2015ல் முதல் இடத்தையும், 2016ல் 3வது இடத்தையும் 2017ல் 5வது இடத்தையும் குஜராத் பிடித்திருந்தது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • 23-04-2019

    23-04-2019 இன்றைய சிறப்பு படங்கள்

  • MummifiedFoal

    42 ஆயிரம் ஆண்டுகளுக்கு முன்பு இறந்த குதிரையின் உடலில் உறைந்த ரத்தம்..: ரஷ்ய விஞ்ஞானிகள் கண்டுபிடிப்பு

  • SriLankaHomage

    இலங்கை தொடர் வெடிகுண்டு தாக்குதலுக்கு உலகச் சமூகங்கள் அஞ்சலி: பிரான்சின் ஈபிள் டவரில் விளக்குகள் அணைப்பு!

  • selphiGorilla

    கொரில்லாக்களையும் விட்டு வைக்காத செல்ஃபி மோகம் : குஷியான போஸ்கள்

  • QingdaoNavalParade

    சீனாவில் நடைபெறவுள்ள பிரம்மாண்ட கப்பல் அணிவகுப்பை ஒட்டி துறைமுகம் வந்தடையும் பல்வேறு நாடுகளின் போர்க்கப்பல்கள்!

படங்கள் வீடியோ கல்வி சினிமா ஜோ‌திட‌ம்