SUN குழுமத்திலிருந்து வெளிவரும் காலை நாளிதழ்

Urban Tree

விம்பிள்டன் டென்னிஸ் அரை இறுதியில் ஜோகோவிச்: பெடரர் அதிர்ச்சி தோல்வி

2018-07-12@ 00:18:18

லண்டன்: விம்பிள்டன் கிராண்ட் ஸ்லாம் டென்னிஸ் தொடரின் ஆண்கள் ஒற்றையர் பிரிவு அரை இறுதியில் விளையாட முன்னாள் நம்பர் 1 வீரர் நோவாக் ஜோகோவிச் (செர்பியா) தகுதி பெற்றார். கால் இறுதியில் ஜப்பான் வீரர் கெய் நிஷிகோரியுடன் (24வது ரேங்க்) நேற்று மோதிய ஜோகோவிச் (12வது ரேங்க்) 6-3, 3-6, 6-2, 6-2 என்ற செட் கணக்கில் வென்றார். இப்போட்டி 2 மணி, 35 நிமிடத்தில் முடிவுக்கு வந்தது. மற்றொரு கால் இறுதியில் 8 முறை சாம்பியனும் நம்பர் 1 வீரருமான ரோஜர் பெடரர் (சுவிஸ்), தென் ஆப்ரிக்காவின் கெவின் ஆண்டர்சனை (8வது ரேங்க்) எதிர்கொண்டார். முதல் செட்டை 6-2 என எளிதாக வென்ற பெடரர், டை பிரேக்கர் வரை இழுபறியாக நீடித்த 2வது செட்டில் 7-6 (7-5) என வென்று முன்னிலை பெற்றார்.

அடுத்த 2 செட்களிலும் கடும் நெருக்கடி கொடுத்த ஆண்டர்சம் 7-5, 6-4 என வென்று பதிலடி கொடுக்க சமநிலை ஏற்பட்டது.
இதைத் தொடர்ந்து 5வது மற்றும் கடைசி செட் ஆட்டத்தில் அனல் பறந்தது. இரு வீரர்களும் தங்கள் சர்வீசில் புள்ளிகளைக் குவித்து விடாப்பிடியாக முன்னேறினர். இதனால் வெற்றி யாருக்கு என்பதை தீர்மானிக்க முடியாமல் மாரத்தான் மரணப் போராட்டமாக அமைந்த இந்த செட் முடிவே இல்லாமல் நீண்டு கொண்டே போனது. களத்தில் மல்லுக்கட்டிய வீரர்கள் மட்டுமல்லாது ரசிகர்களையும் பதற்றத்தில் பதற வைத்த இந்த செட்டில் ஆண்டர்சன் 13-11 என்ற கணக்கில் வென்று அரையிறுதிக்கு  முன்னேறினார்.

மேலும் செய்திகள்

Like Us on Facebook Dinkaran Daily News
  • muharamfest

    நாடு முழுவதும் இஸ்லாமியர்களின் மொஹரம் பண்டிகை இன்று கொண்டாடப்பட்டது

  • nasaevanaktrump

    அமெரிக்காவில் உள்ள நாசாவின் ஜான்சன் விண்வெளி ஆய்வு மையத்தை பார்வையிட்ட இவாங்கா டிரம்ப்

  • florence&trumph

    பிளோரென்ஸ் புயலால் பாதிக்கப்பட்டவர்களை நேரில் சந்தித்து ஆறுதல் கூறிய அமெரிக்க அதிபர் டிரம்ப்

  • greenlandicemelt

    கிரீன்லாந்தில் வெப்பமயமாதலால் உருகும் பனிப்பாறைகள் : கடல் நீர்மட்டம் உயரும் அபாயம்

  • thirupathilast

    திருப்பதி ஏழுமலையான் கோவில் பிரம்மோற்சவ திருவிழா : சக்கரத்தாழ்வார் தீர்த்தவாரியுடன் நிறைவு

படங்கள் வீடியோ கல்வி சினிமா ஜோ‌திட‌ம்