SUN குழுமத்திலிருந்து வெளிவரும் காலை நாளிதழ்

ஜப்பான் மழை பலி 179 ஆனது

2018-07-12@ 00:12:01

டோக்கியோ: ஜப்பானில் கனமழையால் பலியானோர் எண்ணிக்கை 179 ஆக உயர்ந்துள்ளது. ஜப்பானின் மேற்கு மற்றும் மத்திய பகுதிகளில் கடந்த சில வாரங்களாக தொடர்ந்து பெய்துவரும் கனமழையால் பல பகுதிகளில் வெள்ளம், நிலச்சரிவு ஏற்பட்டுள்ளது. ஆயிரக்கணக்கான வீடுகள் நீரில் மூழ்கியுள்ளன. ஆறுகளில் இருந்து வெளியேறும் வெள்ளம், குடியிருப்புப் பகுதிகளில் சூழ்ந்துள்ளதால் மக்கள் கடுமையாக பாதிக்கப்பட்டுள்ளனர். கடந்த 30  ஆண்டுகளில் இல்லாத வகையில் இந்த கனமழை பெய்து வருவதால் ஏராளமானோர் வெள்ளத்தில் அடித்து செல்லப்பட்டு உள்ளனர்.

மழையால் பாதிக்கப்பட்டுள்ள பகுதிகளில் 75 ஆயிரம் போலீசார், தீயணைப்பு வீரர்கள் மற்றும் ராணுவத்தினர் மீட்பு பணியில் ஈடுபடுத்தப்பட்டு உள்ளனர். வீடுகளில் வெள்ளம் புகுந்துள்ளதால், முகாம்களில் 10 ஆயிரம் பேர் தஞ்சம் அடைந்துள்ளனர். ஒகயாமா உள்ளிட்ட மாகாணங்களில் மழையால் ஏற்பட்ட பல்வேறு விபத்துகளால், பலியானோர் எண்ணிக்கை 179 ஆக உயர்ந்துள்ளது. இதனிடையே, பாதிக்கப்பட்ட பகுதிகளை ஜப்பான் பிரதமர் ஷின்சே அபே விமானம் மூலம் நேற்று பார்வையிட்டார். பின்னர், முகாம்களில் தங்கியுள்ள மக்களை சந்தித்து ஆறுதல் தெரிவித்தார்.


மேலும் செய்திகள்

Like Us on Facebook Dinkaran Daily News
  • artexpo

    சென்னையில் ஓவியர் சீனிவாசலு நினைவாக கலானுபாவா ஓவிய கண்காட்சி

  • modimeetmaurico

    பிரதமர் மோடியுடன் அர்ஜென்டினா அதிபர் மவுரிசியோ மக்ரி சந்திப்பு : முக்கிய ஒப்பந்தங்கள் குறித்து பேச்சுவார்த்தை

  • Switzerlandhorse

    சுவிட்சர்லாந்தில் உற்சாகத்துடன் களைகட்டிய குளிர்கால ஹார்ஸ் ரேஸ் போட்டி

  • germanyrecord

    ஜெர்மனியில் கார்ட்டூன் கதாப்பாத்திரம் போன்று வேடமிட்டு 2,762 பேர் ஒரே இடத்தில் நடனமாடி சாதனை

  • omancyclerace

    ஓமனில் நடைபெற்ற உலக வாகையர் சைக்கிள் பந்தயத்தில் கஜகஸ்தான் வீரர் வெற்றி!

படங்கள் வீடியோ கல்வி சினிமா ஜோ‌திட‌ம்