SUN குழுமத்திலிருந்து வெளிவரும் காலை நாளிதழ்

பாகிஸ்தானில் தற்கொலை படை தாக்குதல் தேர்தல் பிரசாரத்தில் 20 பேர் படுகொலை: 50 பேர் படுகாயம்

2018-07-12@ 00:06:29

பெஷாவர்:  பாகிஸ்தானில் தேர்தல் பிரசாரத்தில் நடத்தப்பட்ட தற்கொலைப் படை தாக்குதலில் அவாமி தேசிய கட்சி வேட்பாளர் உட்பட 20 பேர் கொல்லப்பட்டனர். 50க்கும் மேற்பட்டோர் காயமடைந்தனர்.  பாகிஸ்தானில் வரும் 25ம் தேதி பொதுத்தேர்தல் நடக்கிறது. இதற்கான பிரசாரத்தில் பல்வேறு கட்சிகளை சேர்ந்த தலைவர்கள் ஈடுபட்டுள்ளனர். பெஷாவர் நகரில் உள்ள யாகாதூத் பகுதியில் அவாமி தேசிய கட்சியின் தேர்தல் பிரசாரம் கூட்டம் நேற்று நடந்தது. இதில் கலந்து கொள்வதற்காக அக்கட்சியின் மூத்த தலைவர்கள், தொண்டர்கள் அங்கு திரண்டனர். அப்போது, கட்சியின் மூத்த தலைவரும், 78வது தொகுதி வேட்பாளருமான  பஷிர் பிலார் மேடைக்கு வந்தார்.

அவரை வரவேற்க, தொண்டர்கள் பட்டாசுகளை வெடித்தனர். அப்போது, அங்கிருந்த தற்கொலை படை தீவிரவாதிகள் வெடிகுண்டை வெடிக்க வைத்து தாக்குதல் நடத்தினார்கள். இதில், பிலார் பலத்த காயமடைந்தார். உடனடியாக மருத்துவமனைக்கு அழைத்து செல்லப்பட்ட அவர், சிகிச்சை பலனின்றி உயிரிழந்தார். தற்ெகாலைப் படை தாக்குதலில் பிலார் உட்பட 20 பேர் கொல்லப்பட்டனர். மேலும் காயமடைந்த 50க்கும் மேற்பட்டோர் மீட்கப்பட்டு மருத்துவமனைகளில் அனுமதிக்கப்பட்டு உள்ளனர்.

இந்த தாக்குதலுக்கு 8 கிலோ வெடிப்பொருள் பயன்படுத்தப்பட்டு உள்ளதாக போலீசார் தெரிவித்தனர். இது, பாகிஸ்தான் தேர்தல் பிரசாரத்தில் நடத்தப்பட்ட 2வது பெரிய தாக்குதலாகும். இந்த மாத தொடக்கத்தில் கேபிகே மாகாணத்தில் தீவிரவாதிகள் நடத்திய வெடிகுண்டு தாக்குதலில் வேட்பாளர் உட்பட 7 பேர் கொல்லப்பட்டனர்.


மேலும் செய்திகள்

Like Us on Facebook Dinkaran Daily News
  • thiruvan_5thdaycelb

    திருவண்ணாமலை தீபத்திருவிழாவின் 5 ஆம் நாள்: விநாயகர், சந்தரசேகரர் மாட வீதியில் பவனி

  • rarephots_indiragandhi

    முன்னாள் பிரதமர் இந்திரா காந்தியின் அரிய புகைப்படங்கள்!

  • 2018_indiragandibirthdy

    இரும்பு பெண்மணி இந்திரா காந்தியின் 101 வது பிறந்த தினம்: தலைவர்கள் மரியாதை!

  • america_winterstorm2018

    வடகிழக்கு அமெரிக்க பகுதிகளில் தொடங்கியுள்ள முதல் பனிப்புயல்!

  • 2018wildfire_trumph

    கலிபோர்னியா காட்டுத்தீயால் பாதிக்கப்பட்ட பகுதிகளை பார்வையிட்ட டிரம்ப்

படங்கள் வீடியோ கல்வி சினிமா ஜோ‌திட‌ம்