SUN குழுமத்திலிருந்து வெளிவரும் காலை நாளிதழ்

66 ஆண்டு வளர்த்த முதியவர் உலகின் நீளமான நகத்தை விழா நடத்தி வெட்டினார்

2018-07-12@ 00:05:34

நியூயார்க்: கடந்த 66 ஆண்டுகளாக பாதுகாத்து வளர்த்து வந்த விரல் நகத்தை புனேவைச் சேர்ந்த 82 வயது முதியவர், அமெரிக்க மியூசியத்தில் நடைபெற்ற விழாவில் வெட்டினார்.  மகாராஷ்டிரா மாநிலம், புனேவைச் சேர்ந்தவர் ஸ்ரீதர் சிலால் (82). இவர் கடந்த 1952ம் ஆண்டிலிருந்து தனது இடது கை விரல்களில் நகத்தை வெட்டவில்லை. இவரது பெருவிரல் நகம் மட்டும் 197.8 செமீ நீளம் வளர்ந்தது. இடது கை விரல்களில் உள்ள நகங்களின் மொத்த நீளம் 909.6 செமீ. உலகில் இதுவரை யாரும் இந்த அளவு நீளத்துக்கு நகம் வளர்க்கவில்லை. இதனால், இவரது நகம் 2016ல் கின்னஸ் சாதனையில் இடம் பெற்றது.

இவர் தனது நகத்தை வெட்டி மியூசியத்தில் பாதுகாக்க விரும்பினார்.  இதற்கு அமெரிக்காவின் நியூயார்க் நகரின் டைம்ஸ் சதுக்கத்தில் உள்ள ‘ரிப்ளேஸ் பிலிவ் இட் ஆர் நாட்’ மியூசியம் முன்வந்தது. இதற்காக புனேவிலிருந்து நியூயார்க் அழைத்துச் செல்லப்பட்டுள்ளார் ஸ்ரீதர். இவரது நகத்தை வெட்டுவதற்காக மியூசியத்தில் ‘நகம் வெட்டும் விழா’ நேற்று நடத்தப்பட்டது. அதில், ஸ்ரீதரின் நகங்கள் வெட்டப்பட்டு மியூசியத்தில் வைக்கப்பட்டது.


மேலும் செய்திகள்

Like Us on Facebook Dinkaran Daily News
  • 18-01-2019

    18-01-2019 இன்றைய சிறப்பு படங்கள்

  • rivermoon

    வடகிழக்கு அமெரிக்காவில் நிலவின் மேற்பரப்பை போல உறைந்து காணப்படும் ஆற்றின் நடுப்பகுதி!

  • ParadeREhearsalRepublicDay

    டெல்லியில் நடைபெற்ற குடியரசு தின அணிவகுப்பு ஒத்திகையின் கண்கவர் புகைப்படங்கள்

  • alanganalloor_kaalaigal11

    வீரத்துடன் சீறி பாயும் காளைகள்.. மெர்சல் காட்டும் காளையர்கள்... உலகப் புகழ்பெற்ற அலங்காநல்லூர் ஜல்லிக்கட்டு திருவிழா

  • NairobiHotelAttack

    மும்பை பாணியில் கென்யா ஓட்டலில் நடத்தப்பட்ட பயங்கர தாக்குதல்: இதுவரை 21 பேர் உயிரிழப்பு!

படங்கள் வீடியோ கல்வி சினிமா ஜோ‌திட‌ம்