SUN குழுமத்திலிருந்து வெளிவரும் காலை நாளிதழ்

உலகின் புனித நாடு

2018-07-11@ 10:29:58

உலகில் அதிக மக்கள் தொகை உள்ள நாடுகளாக சீனா, இந்தியா ஆகியவை தொடர்வது போல் உலகின் மிக குறைந்த மக்கள் தொகை கொண்ட நாடாக இருப்பது வத்திக்கான். இங்கு 801 பேர் மட்டுமே வசிப்பதாக புள்ளிவிவரங்கள் சொல்கின்றன. அதனால் உலகில் உள்ள 233 நாடுகளில் மக்கள் தொகை அடிப்படையில் கடைசி இடத்தில் இருக்கிறது. மக்கள் எண்ணிக்கை மட்டுமல்ல, நிலபரப்பும் சிறியதுதான். மொத்தம் 44 ெஹக்டர். அதாவது சுமார் 110 ஏக்கர். அளவில், எண்ணிக்கையில் கடைசியில் இருந்தாலும் உலகின் முக்கிய நாடாக இருக்கிறது வத்திக்கான்.

உலகில் உள்ள ரோமன் கத்தோலிக்க கிறிஸ்துவத்தின் தலைமை பீடம். ரோமன் கத்தோலிக்க திருச்சபைகளை ஆரம்ப காலம் முதல் நடத்தி வரும் ேஹாலி சீ எனப்படும் சுயாட்சி பெற்ற திரு ஆட்சிப்பீடம் இங்கிருந்துதான் செயல்படுகிறது. இத்தாலி நாட்டில் உள்ள ரோம் நகருக்குள் இந்த வத்திக்கான் நாடு அமைந்துள்ளது. அங்குள்ள திருத்தூதரக அரண்மனையில் தான் போப் தங்கியுள்ளார். இந்த அரண்மனை 1500 ஆண்டுகளுக்கு முன்பு கட்டப்பட்டது.

வத்திக்கானில் புனித பேதுரு பேராலயம், சிஸ்டைன் சிற்றாலயம், அருங்காட்சியகங்கள், பண்பாட்டு மையங்கள், கலைக்கூடங்கள், காப்பகங்கள் உள்ளன. இதில் பேதுரு ஆலயம் 1600 ஆண்டுகளுக்கு முன்பு கட்டப்பட்டது. வத்திக்கானில் உள்ள 801 மக்களை குடிமகன்கள் என்று சொல்வதை விட வசிப்பவர்கள் என்றே சொல்லலாம். இவர்கள் குருமார்கள், நிர்வாக பணிகள் செய்ய, மதக்கல்வி கற்க வந்தவர்கள். இப்படி மக்கள் தொகை குறைவாக இருந்தாலும் வத்திக்கானுக்கு ஆண்டுக்கு 60 லட்சம் பேர் புனித சுற்றுலா வருகின்றனர்.

- ஏஆர்


மேலும் செய்திகள்

Like Us on Facebook Dinkaran Daily News
  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

  • sriramayanatrain

    புறப்பட்டது ஸ்ரீ ராமாயண எக்ஸ்பிரஸ் : புண்ணிய தலங்களில் 16 நாட்கள் சுற்றுலாப் பயணம்

  • kajapuyal_roof111

    திருச்சியில் மரங்களை வேரோடு சாய்த்த கஜா புயல் : மின் கம்பங்கள், மேற்கூரைகளையும் சூறையாடியது

  • 16-11-2018

    16-11-2018 இன்றைய சிறப்பு படங்கள்

  • gslvrocket

    ஜிசாட் 29 செயற்கைகோளை சுமந்து வெற்றிகரமாக விண்ணில் பாய்ந்த ஜி.எஸ்.எல்.வி மார்க்3-டி2 ராக்கெட்

படங்கள் வீடியோ கல்வி சினிமா ஜோ‌திட‌ம்