SUN குழுமத்திலிருந்து வெளிவரும் காலை நாளிதழ்

நிலவில் காற்று இருக்கா? இல்லையா?

2018-07-10@ 10:03:49

நிலா... உச்சரிக்கும்போதே பல்வேறு எண்ணங்கள் ஒவ்வொருவருக்குள்ளும் ஊடுருவுகின்றன. குழந்தைகளுக்கு நிலாவைக் காட்டி உணவு ஊட்டுவது முதல் காதலியின் அழகு, நடை, உடை, பாவனையை வர்ணிப்பது வரை பல்வேறு தரப்பினருக்கும் வெவ்வேறு தாக்கங்களை இது ஏற்படுத்தி வந்திருக்கிறது. நிலவு, அம்புலி, திங்கள், மதி, சந்திரன் என்று பல்வேறு பெயர்களால் அழைக்கப்படும் இந்த நிலா, கண்ணிற்குத் தெளிவாக தெரிவதாலும், முறைதவறா பிறை சுழற்சியாலும் தொன்மைக்காலம் தொட்டே வாழ்வியலில் இடம் பிடித்துள்ளது. இந்த நிலா ஏறத்தாழ 4.5 பில்லியன் ஆண்டுகளுக்கு முன் உருவாகியுள்ளது. பூமிக்கான ஒரே ஒரு இயற்கைத் துணைக்கோளும் இதுதான்.

பூமியை ஒரு நீள் வட்டப்பாதையில் சுற்றிவர சராசரியாக 29.32 நாட்கள் ஆகிறது. பூமிக்கும், நிலாவிற்கும் இடையேயான சராசரி தொலைவு 3 லட்சத்து 84 ஆயிரத்து 403 கிமீ தூரமாகும். நிலா குறித்து ஆராய சோவியத் ஒன்றியத்தால் ஏற்படுத்தப்பட்டதுதான் லூனா திட்டம். இதன்படி, முதல் லூனா விண்கலம் 1959 ஜனவரி 2ம் நாள் அனுப்பப்பட்டது. நிலவின் வட்டப்பாதைக்குச் சென்ற இக்கலன் சந்திரனுடனான தாக்கத்தை இழந்ததால் வெடித்துச் சிதறியது. அடுத்ததாக அனுப்பப்பட்ட லூனா-2 1959 செப்.12ல் சந்திரனை அடைந்தது. புவி இல்லாத ஒரு நிலப்பரப்பில் மனிதன் உருவாக்கிய பொருள் முதன் முதலில் தொட்டது நிலாவில்தான். அந்தச் சிறப்பை லூனா 2 பெற்றது.

தொடர்ந்து லூனா-24 வரை நிலாவிற்கு அனுப்பப்பட்டன. பின்னர் அமெரிக்காவின் நாசா ஆராய்ச்சிக்கூடத்தில் இருந்து அப்பல்லோ திட்டம் மூலம் நிலவின் சுற்றுப்பாதையில் மனிதர்கள் பயணித்தனர். அப்பல்லோ-11ல் சென்ற நீல் ஆம்ஸ்ட்ராங் நிலவில் முதல்முறையாக கால் பதித்தார். இருப்பினும் நிலவிற்கு ஆளில்லாத விண்கலன்களே தற்போது அனுப்பப்படுகின்றன. புவியின் ஈர்ப்பைவிட நிலவின் ஈர்ப்பு 6 மடங்கு குறைவு. இதனால் பொருள்களின் விடுபடு வேகமும் குறைவாக இருக்கும். நிலவின் பரப்பில் வெப்பநிலை அதிகம். எனவே அங்குள்ள மூலக்கூறுகள் விடுபட்டுச்சென்றுவிடுகின்றன. இதனால்தான் நிலவில் காற்று இருப்பதில்லை.
தொடர்ந்து பல்வேறு நாடுகள் நிலா குறித்த ஆராய்ச்சியில் ஈடுபட்டன. இந்தியாவும் சந்திராயன்-1-ஐ அனுப்பி நிலவில் நீர் இருப்பதைக் கண்டறிந்து உலகிற்கு வெளிப்படுத்தியது.


மேலும் செய்திகள்

Like Us on Facebook Dinkaran Daily News
  • 129JawaharlalNehru

    நாட்டின் முதல் பிரதமர் ஜவஹர்லால் நேருவின் 129வது பிறந்தநாள்: அரசியல் தலைவர் மரியாதை

  • 2018TiruvannamalaiDeepam

    திருவண்ணாமலை கார்த்திகை தீபத்திருவிழா கொடியேற்றத்துடன் இன்று கோலாகலமாக தொடங்கியது

  • israelfire

    காஸா மீது சரமாரியாக குண்டுவீசிய இஸ்ரேல்: ராக்கெட் தாக்குதலுக்கு பதிலடி

  • singaporeasianmodi

    சிங்கப்பூரில் 13வது கிழக்காசிய உச்சி மாநாடு : பிரதமர் மோடி பங்கேற்பு!

  • crowd_thiruchendhuru11

    சூரபத்மனை வதம் செய்தார் சுவாமி ஜெயந்திநாதர் : சூரசம்ஹார நிகழ்ச்சியால் திருச்செந்தூர் விழா கோலம் பூண்டது

படங்கள் வீடியோ கல்வி சினிமா ஜோ‌திட‌ம்