SUN குழுமத்திலிருந்து வெளிவரும் காலை நாளிதழ்

'ஸ்டார்மிங் ஆபரேஷன்' மூலம் சென்னையில் குற்றங்கள் குறைந்துள்ளன : காவல் ஆணையர் விஸ்வநாதன் பேட்டி

2018-06-19@ 10:50:13

சென்னை: சென்னையில் இரவு நேரத்தில் போலீஸார் நடத்தி வரும் வாகன சோதனை மூலம் குற்றங்கள் குறைந்துள்ளதாக மாநகர காவல் ஆணையர் விஸ்வநாதன் கூறியுள்ளார். செயின் பறிப்பு, கொள்ளை, கொலை, பைக் ரேஸ் போன்ற சம்பங்கள் சமீபகாலமாக தலைநகர் சென்னையில் அதிகரித்து வந்த நிலையில், அவற்றை கட்டுப்படுத்தும் விதமாக சுமார் 150 இடங்களில் இந்த வாகன சோதனை கடந்த 8 நாட்களாக நடத்தப்பட்டு வருகிறது. இந்த பணிகளில் சுமார் 2,000-க்கும் மேற்பட்ட காவல்துறையினர் ஈடுபடுத்தப்பட்டுள்ளனர். இந்நிலையில் சென்னையில் 7-ம் நாளாக இரவில் நடத்தப்பட்ட வாகன சோதனையில் குற்றப்பின்னணியில் உள்ள நபர்கள் உட்பட 611 பேரை போலீசார்  கைது செய்தனர்.

இரவு நேரங்களில் சென்னை மாநகர காவல் எல்லைக்குட்பட்ட பகுதியில் போலீசார் தொடர் வாகன சோதனைகள் நடத்தி வருகின்றனர்.  அந்த வகையில் நேற்று முன்தினம் இரவு 7ம் நாள் சோதனையில் பிடியாணை பிறப்பிக்கப்பட்ட குற்றவாளிகள் 2 பேர், தலைமறைவு குற்றவாளிகள் 5  பேரும், சந்தேகத்தின் பேரில் 423 நபர்கள் மற்றும் 109,110 சட்ட பிரிவுகளின் கீழ் 33 பேர், குற்றப்பின்னணியில் கொண்ட நபர்கள் 148 என மொத்தம் 611  பேரை போலீசார் கைது செய்தனர். மேலும், குடிபோதையில் வாகனம் ஓட்டி வந்த 51 பேரை போலீசார் பிடித்தனர். கடந்த 8 நாட்களாக அடையார் , மெரினா , அண்ணாநகர் உள்ளிட்ட பல்வேறு பகுதிகளில் இந்த அதிரடி சோதனை நடைபெற்று வருகிறது.  சோதனை பணிகளை நேரில் பார்வையிட்டு ஆய்வு மேற்கொண்ட கமிஷனர் விஸ்வநாதன், சென்னையில் நடைபெறும் இந்த ஸ்டார்மிங் ஆபரேஷனால் குற்றச்சம்பவங்கள் வெகுவாக குறைந்துள்ளதாகவும், இன்னும் ஒரு சில நாட்கள் இந்த சோதனை தொடரும் என்றும் கூறினார். தேவைப்பட்டால் இந்த சோதனை பணிகளை நிரந்தரமாக்கவும் நடவடிக்கை மேற்கொள்ளப்படும் என்றார்.


மேலும் செய்திகள்

Like Us on Facebook Dinkaran Daily News
  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

  • SuperSnowMoon2k19

    அதிக ஒளியுடனும், பூமிக்கு மிக அருகிலும் தெரிந்த சூப்பர் மூன்: ரம்மியமான அரிய நிகழ்வை கண்டு ரசித்த மக்கள்!

  • 20-02-2019

    20-02-2019 இன்றைய சிறப்பு படங்கள்

  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்