SUN குழுமத்திலிருந்து வெளிவரும் காலை நாளிதழ்

Urban Tree

கட்டுப்பாட்டை இழந்த கார் ஜேசிபி மீது மோதி விபத்து: ஒரே குடும்பத்தை சேர்ந்த 2 பேர் பலி

2018-06-15@ 01:51:02

சென்னை: கட்டுப்பாட்டை இழந்த கார் ஜேசிபி மீது மோதிய விபத்தில் ஒரே குடும்பத்தை சேர்ந்த 6 வயது சிறுவன் உள்பட 2 பேர் உயிரிழந்தனர். 6 பேர் படுகாயம் அடைந்து மருத்துவமனையில் சிகிச்சை பெற்று வருகின்றனர். ராமநாதபுரம் மாவட்டம் கீழக்கரை கிராமத்தை சேர்ந்தவர் உடையார்(53). இவர், சென்னை சூளைமேடு பகுதியில் குடும்பத்தினருடன் வசித்து வருகிறார். தூர்தர்சனில்  உதவி பொறியாளராக பணியாற்றி வருகிறார். இவர் நேற்று மாலை தனது குடும்பத்தினருடன் காரில் சென்னையில் இருந்து கிழக்கு கடற்கரை சாலை வழியாக மாமல்லபுரம் நோக்கி சென்று கொண்டிருந்தார். முட்டுக்காடு பஸ் நிலையம் அருகே சென்று கொண்டிருந்தபோது கட்டுப்பாட்டை இழந்த கார் சாலையோரம் நின்றிருந்த ஜேசிபி மீது பயங்கரமாக மோதியது. இந்த விபத்தில், உடையார் மாமனார் ராசு(65) சம்பவ இடத்திலேயே பரிதாபமாக உயிரிழந்தார். சத்தம் கேட்டு அக்கம் பக்கத்தினர் ஓடி வந்தனர். காரில் இருந்தவர்களை மீட்டு பெரும்பாக்கத்தில் உள்ள தனியார் மருத்துவமனைக்கு அனுப்பி வைத்தனர். செல்லும் வழியிலேயே உடையாருடைய பேரன் தர்மேந்திரன்(6) இறந்தான். மருத்துவமனையில் அனுமதிக்கப்பட்ட உடையார்(53), விசாலாட்சி (40), கிஷோர் (10), தனவல்லி(57), ஜனனி(7), சுந்தரி (45) ஆகிய படுகாயமடைந்த 6 பேர் சிகிச்சை பெற்று வருகின்றனர். தகவலறிந்த அடையாறு போக்குவரத்து புலனாய்வு போலீசார் இறந்த 2 பேரின் உடலை மீட்பு பிரேத பரிசோதனைக்காக ராயப்பேட்டை அரசு மருத்துவமனைக்கு அனுப்பி வைத்தனர். இது குறித்து வழக்கு பதிவு செய்து விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • modi68bday

    வாரணாசியில் பள்ளி மாணவர்களுடன் தனது 68வது பிறந்தநாளை கொண்டாடிய பிரதமர் மோடி

  • losangeleswaterlight

    லாஸ் ஏஞ்சல்ஸ் நகரில் கொண்டாடப்பட்ட நீர் விளக்கு விழா: ஏராளமானோர் பங்கேற்பு

  • vinayagarsilai

    சென்னையில் பலத்த போலீஸ் பாதுகாப்புடன் விநாயகர் சிலைகள் கடலில் கரைப்பு

  • mankutstromchina

    தெற்கு சீனாவில் பேரழிவை ஏற்படுத்திய மங்குட் புயல் : தீவிரப்படுத்தப்பட்டுள்ள நிவாரண பணிகள்

  • tirupathififth

    திருப்பதியில் 5வது நாள் பிரமோற்சவம் கோலாகலம் : தங்க கருட வாகனத்தில் மலையப்ப சுவாமி வீதி உலா

படங்கள் வீடியோ கல்வி சினிமா ஜோ‌திட‌ம்