SUN குழுமத்திலிருந்து வெளிவரும் காலை நாளிதழ்

ஐபிஎல் போட்டியின் போது போலீசை தாக்கிய நாம் தமிழர் கட்சி பிரமுகரின் ஜாமீன் மனு தள்ளுபடி: செஷன்ஸ் நீதிமன்றம் அதிரடி

2018-06-15@ 01:49:27

சென்னை: ஐபிஎல் போட்டியின் போது போலீசை தாக்கிய நாம் தமிழர் கட்சி பிரமுகரின் ஜாமீன் மனுவை தள்ளுபடி செய்து செஷன்ஸ் நீதிமன்றம் உத்தரவிட்டுள்ளது. காவிரி மேலாண்மை வாரியம் அமைக்க கோரி சேப்பாக்கத்தில் நடந்த ஆர்ப்பாட்டத்தில் அரசியல் கட்சியினர், தனியார் அமைப்புகளை சேர்ந்த பலர் கலந்து கொண்டனர். அப்போது, போராட்டக்காரர்களுக்கும், போலீசாருக்கும் இடையே ஏற்பட்ட தள்ளு முள்ளுவில், ஒரு வாலிபர் போலீசாரை பலமாக தாக்கினார். இந்த வீடியோ சமூக வலைதளங்களில் வைரலாகி பெரும் பரபரப்பை ஏற்படுத்தியது. இதுகுறித்து, போலீசார் வழக்குப்பதிவு செய்து விசாரித்தனர். அதில், போலீசாரை தாக்கிய வாலிபர் எண்ணூர் பகுதியை சேர்ந்த மதன்குமார் என்பதும், அவர் நாம் தமிழர் கட்சியின் பிரமுகர் என்பதும் தெரியவந்தது. அவரை போலீசார் கைது செய்து சிறையில் அடைத்தனர். இந்நிலையில், மதன்குமார் ஜாமீன் கோரி சென்னை மாவட்ட முதன்மை நீதிமன்றத்தில் மனு தாக்கல் செய்திருந்தார். இந்த மனு மீதான விசாரணை செஷன்ஸ் நீதிமன்ற நீதிபதி முன்னிலையில் விசாரணைக்கு வந்தது. அப்போது வழக்கை விசாரித்த நீதிபதி இந்த வழக்கில் கைது செய்யப்பட்டுள்ள மதனுக்கு ஜாமீன் தர மறுப்பு தெரிவித்து, மனுவை தள்ளுபடி செய்து உத்தரவிட்டார். மேலும் மதன்குமார் ஏற்கனவே இதே நீதிமன்றத்தில் முன்ஜாமீன் மனுதாக்கல் செய்து தள்ளுபடி செய்யப்பட்டதும் குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • 24-02-2019

    24-02-2019 இன்றைய சிறப்பு படங்கள்

  • 23-02-2019

    23-02-2019 இன்றைய சிறப்பு படங்கள்

  • chennai_pkankatchui1

    சென்னை போட்டோ பியானாலேவின் 2வது புகைப்பட கண்காட்சி!!

  • israelmoonshuttle

    சந்திரனில் ஆய்வு நடத்த வெற்றிகரமாக விண்கலம் அனுப்பி இஸ்ரேல் சாதனை

  • chennai_laksh1

    திருவேங்கடமுடையான் வெங்கடேச பெருமாள் கோயிலில் ஆண்டாளுக்கு லட்சார்ச்சனை விழா

படங்கள் வீடியோ கல்வி சினிமா ஜோ‌திட‌ம்