SUN குழுமத்திலிருந்து வெளிவரும் காலை நாளிதழ்

அரசு மருத்துவமனையில் பேரறிவாளனுக்கு சிகிச்சை

2018-06-15@ 01:36:13

சென்னை: ராஜிவ் காந்தி கொலை வழக்கில் சிறையில் உள்ள பேரறிவாளனுக்கு சென்னை அரசுப் பொது மருத்துவமனையில்  டாக்டர்கள் நேற்று சிகிச்சை அளித்தனர். ராஜிவ் காந்தி கொலை வழக்கில், கடந்த 27 ஆண்டுகளுக்கும் மேலாக பேரறிவாளன் சிறையில் உள்ளார். வேலூர் மத்திய சிறையில் அடைக்கப்பட்டிருந்த பேரறிவாளன் கடந்த சில ஆண்டுகளாக சிறுநீர் தொற்று, மூட்டுவலியால் அவதிப்பட்டு வருகிறார். மேல் சிகிச்சைக்காக கடந்த ஆண்டு டிசம்பர் மாதம் அவர் புழல் சிறைக்கு மாற்றப்பட்டார். அவருக்கு அரசு மருத்துவமனைகளில் சிகிச்சை அளிக்கப்பட்டது. சிறுநீர் தொற்று, மூட்டு வலிக்காக அவர் இரு மருத்துவமனைகளிலும் மாறி மாறி சிகிச்சை பெற்று வருகிறார். இந்நிலையில், நேற்று காலை பேரறிவாளன் சென்னை சென்ட்ரல் ரயில் நிலையம் எதிரே உள்ள அரசுப் பொது மருத்துவமனைக்கு போலீஸ் பாதுகாப்புடன் அழைத்து வரப்பட்டார். அவருக்கு சிறுநீரகவியல், முடநீக்கியல் துறையின் புறநோயாளிகள் மருத்துவ பரிசோதனை மேற்கொள்ளப்பட்டது. டாக்டர்கள் அவருக்கு உரிய சிகிச்சை அளித்தனர். மூன்று வாரத்துக்கான மருந்து, மாத்திரைகளை வழங்கினர். அதைத்தொடர்ந்து, அவரை புழல் சிறைக்கு போலீசார் அழைத்து சென்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 23-06-2018

    23-06-2018 இன்றைய சிறப்பு படங்கள்

  • chennai_protest123

    நீட் தேர்வில் நிரந்தர விலக்கு கோரி தலைமைச் செயலகத்தை முற்றுகையிட முயற்சி: மாணவர்கள் கைது

  • cleanesttrainPurityIndia

    ரயில்வே பாதுகாப்பு படை சார்பில் தூய்மை ரயில் - தூய்மை இந்தியா

  • fifa_fans123

    உலகக் கோப்பை கால்பந்து போட்டி: முகத்தில் வர்ணம் பூசி உற்சாகமாக கண்டுகளிக்கும் ரசிகர்கள்!

  • whatsapp_police11

    வாட்ஸ் அப் வதந்திகளை நம்பாதீர் : தண்டோரா போட்டு பிரச்சாரம் செய்யும் பெண் ஐபிஎஸ் அதிகாரிக்கு சல்யூட்

படங்கள் வீடியோ கல்வி சினிமா ஜோ‌திட‌ம்