SUN குழுமத்திலிருந்து வெளிவரும் காலை நாளிதழ்

மீனவர் ஐக்கிய கிராம கட்டிடத்துக்கு பூட்டு ஜெயக்குமார் - மதுசூதனன் ஆதரவாளர்கள் மோதல்

2018-06-15@ 01:34:01

சென்னை: சென்னை காசிமேடு மீன்பிடி துறைமுகத்தில் 18 மீனவ கிராமத்துக்கு உட்பட்ட மீனவர் ஐக்கிய கிராமத்து பஞ்சாயத்து சபை செயல்படுகிறது.
இதில் திருவொற்றியூர், ஆர்கேநகர், ராயபுரம் ஆகிய மீனவ கிராமத்தை சேர்ந்தவர்கள் நிர்வாகிகளாக உள்ளனர். ஒவ்வொரு ஆண்டும் சூழற்சி முறையில் நிர்வாகிகள் தேர்ந்தெடுக்கப்பட்டு வருகின்றனர்.கடந்த 2016ம் ஆண்டு சபையில் கல்வி அறக்கட்டளை நிதி மோசடியில் நிர்வாகிகள் பலர் ஈடுபட்டதாக காசிமேடு மீன்பிடி துறை போலீசில் புகார் செய்யப்பட்டது. இதன் அடிப்படையில் போலீசார் விசாரணை நடத்தினர். வட்டாட்சியர், ஆர்டிஓ ஆகியோர் இதுபற்றி விசாரணை நடத்த பரிந்துரை செய்தனர். இதையடுத்து பஞ்சாயத்து சபை கட்டிடத்துக்கு சீல் வைக்கப்பட்டது. இந்நிலையில், மீன்பிடி தடை காலம் முடிந்து கடலில் மீனவர்கள் மீன்பிடிக்க செல்லும் நிலையில், அமைச்சர் ஜெயக்குமாரின் ஆதரவாளர்கள் நேற்று முன்தினம் பஞ்சாயத்து சபை கட்டிடத்தை திறந்து வர்ணம் பூசி தயார் நிலையில் வைத்திருந்தனர்.

இதுபற்றி அறிந்ததும் மதுசூதனன் ஆதரவாளர்கள் 50க்கும் மேற்பட்டோர் பஞ்சாயத்து சபை கட்டிடத்துக்கு நேற்று காலை வந்தனர். இதற்கு எதிர்ப்பு தெரிவித்து அவர்களும் சபை கட்டிடத்துக்கு பூட்டுபோட்டனர். இதுகுறித்து காசிமேடு மீன்பிடி துறைமுக போலீசில் புகார் செய்யப்பட்டது. இதையறிந்ததும் அமைச்சர் ஜெயக்குமாரின் ஆதரவாளர்கள் 50க்கும் மேற்பட்டோர் சம்பவ இடத்தில் திரண்டனர். இரு தரப்பினரும் கடும் வாக்குவாதத்தில் ஈடுபட்டதால், அங்கு மோதல் ஏற்படும் சூழ்நிலை உருவானது.அவர்களை மீனவ சங்க நிர்வாகிகள் சமாதானம் செய்தனர். இருப்பினும் அங்கு ஏராளமான போலீசார் குவிக்கப்பட்டுள்ளனர்.இதனால் காசிமேடு மீன்பிடி துறைமுகத்தில் பதற்றம் நிலவுகிறது.


மேலும் செய்திகள்

Like Us on Facebook Dinkaran Daily News
  • thiruvan_5thdaycelb

    திருவண்ணாமலை தீபத்திருவிழாவின் 5 ஆம் நாள்: விநாயகர், சந்தரசேகரர் மாட வீதியில் பவனி

  • rarephots_indiragandhi

    முன்னாள் பிரதமர் இந்திரா காந்தியின் அரிய புகைப்படங்கள்!

  • 2018_indiragandibirthdy

    இரும்பு பெண்மணி இந்திரா காந்தியின் 101 வது பிறந்த தினம்: தலைவர்கள் மரியாதை!

  • america_winterstorm2018

    வடகிழக்கு அமெரிக்க பகுதிகளில் தொடங்கியுள்ள முதல் பனிப்புயல்!

  • 2018wildfire_trumph

    கலிபோர்னியா காட்டுத்தீயால் பாதிக்கப்பட்ட பகுதிகளை பார்வையிட்ட டிரம்ப்

படங்கள் வீடியோ கல்வி சினிமா ஜோ‌திட‌ம்