SUN குழுமத்திலிருந்து வெளிவரும் காலை நாளிதழ்

தாம்பரம் நகராட்சியில் சேகரிக்கப்படும் மக்கும் குப்பையில் இருந்து உரம் தயாரிக்கும் பணி விரைவில் தொடக்கம்

2018-06-15@ 01:31:31

தாம்பரம்: தாம்பரம்  நகராட்சியில் சேகரிக்கப்பட்ட உபயோகமில்லாத 2 டன் பிளாஸ்டிக் குப்பைகள் அரியலூர் சிமென்ட் ஆலைக்கு அனுப்பப்பட்டது. மக்கும் குப்பையில் இருந்து உரமோ அல்லது உயிரி எரிவாயுவோ தயாரிக்கும் பணி விரைவில் தொடங்கப்பட உள்ளது.தாம்பரம்  நகராட்சியில் சேகரமாகும் திடக்கழிவுகளை, நகராட்சி நிர்வாக ஆணையர் பிரகாஷ் உத்தரவின்படி வீடுகளிலிருந்து மக்கும் குப்பை மற்றும் மக்காத குப்பை என்று பிரித்து வாங்கும் பணி துவங்கியுள்ளது. வாரம் தோறும் புதன்கிழமைகளில் பிளாஸ்டிக் குப்பைகள் சேகரிக்கப்படுகிறது. மக்கும் திடக்கழிவுகளிலிருந்து, உரம் மற்றும் உயிரி எரிவாயு தயாரிக்கும் பணியினை, பல்வேறு முறைகளில் செயல்படுத்த நகராட்சி ஆரம்பித்துள்ளது. அதன்படி, நுண் உர செயலாக்கமையம், சிறிய வகை நுண் உர செயலாக்க மையங்கள் அமைக்கும் பணிகள் 20 இடங்களில் நடைபெற்று வருகின்றன. விரைவில் தாம்பரம் நகராட்சிகளில் சேரகமாகும் மக்கும் குப்பைகள் அனைத்தும் உரமாகவோ அல்லது உயிரி எரிவாயுவாகவோ மாற்றப்படும்.

மேலும், மக்காத குப்பைகளிலிருந்து மறு சுழற்சி செய்யப்படும் பிளாஸ்டிக் பொருட்கள் புதன்கிழமை தோறும் நகராட்சி துப்புரவு பணியாளர்கள் மூலம் வாங்கப்படுகிறது. உபயோகப்படுத்த முடியாத பிளாஸ்டிக் கழிவுகளை, நகராட்சி மண்டல இயக்குனர் இளங்கோவன்  உத்தரவின்படி, அரியலூரில் உள்ள சிமென்ட் தொழிற்சாலைக்கு அவர்களின் எரிபொருள் பயன்பாட்டிற்கு அனுப்ப புரிந்துணர்வு ஒப்பந்தம் போடப்பட்டது. அதன்பேரில், நேற்று தாம்பரம் நகராட்சி ஆணையர் கிருஷ்ணமூர்த்தி முன்னிலையில் முதல் முறையாக 2 டன் அளவிலான உபயோகப்படுத்த முடியாத பிளாஸ்டிக் கழிவுகள் அரியலூர், சிமென்ட் தொழிற்சாலைக்கு அனுப்பப்பட்டது. அப்போது, நகராட்சி சுகாதார அலுவலர் அறிவுச்செல்வம், ஆய்வாளர்கள் ஆல்பர்ட் அருள்ராஜ், சிவக்குமார், காளிதாஸ் உட்பட நகராட்சி சுகாதாரதுறையினர் உடன் இருந்தனர். தொடர்ந்து இதுபோன்று நகராட்சியில் சேகரமாகும் மக்காத குப்பைகளிலிருந்து உபயோகமில்லாத பிளாஸ்டிக் கழிவுகள் பிரித்தெடுக்கப்பட்டு சிமென்ட் தொழிற்சாலைக்கு அனுப்பப்படும் என்று நகராட்சி ஆணையர் கிருஷ்ணமூர்த்தி தெரிவித்தார்.


மேலும் செய்திகள்

Like Us on Facebook Dinkaran Daily News
  • 24-02-2019

    24-02-2019 இன்றைய சிறப்பு படங்கள்

  • 23-02-2019

    23-02-2019 இன்றைய சிறப்பு படங்கள்

  • chennai_pkankatchui1

    சென்னை போட்டோ பியானாலேவின் 2வது புகைப்பட கண்காட்சி!!

  • israelmoonshuttle

    சந்திரனில் ஆய்வு நடத்த வெற்றிகரமாக விண்கலம் அனுப்பி இஸ்ரேல் சாதனை

  • chennai_laksh1

    திருவேங்கடமுடையான் வெங்கடேச பெருமாள் கோயிலில் ஆண்டாளுக்கு லட்சார்ச்சனை விழா

படங்கள் வீடியோ கல்வி சினிமா ஜோ‌திட‌ம்