SUN குழுமத்திலிருந்து வெளிவரும் காலை நாளிதழ்

கோர்ட்டில் ஆஜராக வந்த பிரபல ரவுடியை கொல்ல முயற்சி : 2 பேர் கைது

2018-06-15@ 01:27:37

பாரிமுனை: பிரபல ரவுடியை கொலை செய்ய முயன்ற 2 பேரை போலீசார் சுற்றி வளைத்து கைது செய்தனர். சென்னை புளியந்தோப்பு கன்னிகாபுரத்தை சேர்ந்தவர் சரவணன் (எ) பாம் சரவணன் (45). இவர் மீது கொலை, கொலை முயற்சி, கட்டப்பஞ்சாயத்து, பாம் வீசி கொலை செய்வது உள்பட பல்வேறு வழக்குகள் பல காவல் நிலையங்களில் உள்ளன. கடந்த 2015ம் ஆண்டு, இவரது தம்பி தென்னரசுவை தூத்துக்குடியில் வெட்டி கொலை செய்தனர். அந்த வழக்கில் தொடர்புடைய செவ்வாய்ப்பேட்டையை சேர்ந்த ஜெயசீலன் என்பவரை, கடந்த 2016ம் ஆண்டு பாம் வீசி, சரவணன் கொலை செய்தார். இந்த வழக்கில் கைது செய்யப்பட்ட அவர், சில நாட்களில் ஜாமீனில் வெளியே வந்தார். பின்னர், கோர்ட்டில் ஆஜராகாமல் தலைமறைவாக இருந்தார். அவரை பிடிக்க போலீசாருக்கு, நீதிமன்றம் உத்தரவிட்டது. இதையடுத்து, கடந்த மாதம், மாதவரம் பகுதியில் பதுங்கி இருந்த பாம் சரவணனை, போலீசார் சுற்றி வளைத்து கைது செய்து சிறையில் அடைத்தனர். அவர் மீது குண்டர் சட்டம் பாய்ந்தது.

இந்நிலையில், சென்னை கலெக்டர் அலுவலக வளாகத்தில் உள்ள குற்றவியல் நீதிமன்றத்துக்கு பாம் சரவணனை ஆஜர்படுத்த, நேற்று போலீசார் அழைத்து வந்தனர். அப்போது, சந்தேகப்படும்படி சுற்றித்திரிந்த 2 பேரை, போலீசார் மடக்கி பிடித்தனர். இதை பார்த்ததும், அவர்களுடன் இருந்த 4 பேர் தப்பிவிட்டனர். போலீசார், அவர்களை சோதனை செய்தபோது கத்தி, அரிவாள், நாட்டு வெடிகுண்டு உள்ளிட்ட பயங்கர ஆயுதங்கள் இருந்ததை கண்டுபிடித்தனர். விசாரணையில், புளியந்தோப்பு சுந்தரபுரம் 2வது தெருவை சேர்ந்த இளவரசன் (33), கன்னிகாபுரம் தாஸ் நகரை சேர்ந்த ஜெயராஜ் (21) என்றும், தப்பியோடிய 4 பேர் மதன் (28), மகேஷ் (27), அபினேஷ் (26), ஜெயசீலன் (29) எனவும் தெரிந்தது. மேலும், பிடிபட்டவர்கள் ஜெயசீலனை கொலை செய்ததற்காக பழிக்குப்பழி தீர்க்க பாம் சரவணன் மற்றும் அவரது தம்பி மாரி ஆகியோரை கொலை செய்ய வந்தது தெரிந்தது.  இதையடுத்து போலீசார் 2 பேரையும் கைது செய்தனர். அவர்களிடம் இருந்த ஆயுதங்களை பறிமுதல் செய்தனர். தப்பியோடிய 4 பேரை தேடி வருகின்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 23-06-2018

    23-06-2018 இன்றைய சிறப்பு படங்கள்

  • chennai_protest123

    நீட் தேர்வில் நிரந்தர விலக்கு கோரி தலைமைச் செயலகத்தை முற்றுகையிட முயற்சி: மாணவர்கள் கைது

  • cleanesttrainPurityIndia

    ரயில்வே பாதுகாப்பு படை சார்பில் தூய்மை ரயில் - தூய்மை இந்தியா

  • fifa_fans123

    உலகக் கோப்பை கால்பந்து போட்டி: முகத்தில் வர்ணம் பூசி உற்சாகமாக கண்டுகளிக்கும் ரசிகர்கள்!

  • whatsapp_police11

    வாட்ஸ் அப் வதந்திகளை நம்பாதீர் : தண்டோரா போட்டு பிரச்சாரம் செய்யும் பெண் ஐபிஎஸ் அதிகாரிக்கு சல்யூட்

படங்கள் வீடியோ கல்வி சினிமா ஜோ‌திட‌ம்