SUN குழுமத்திலிருந்து வெளிவரும் காலை நாளிதழ்

ஆணழகன் போட்டியில் பங்கேற்க முடியாததால் வாலிபர் தற்கொலை

2018-06-15@ 01:26:56

சென்னை: அண்ணனூரில், ‘‘மிஸ்டர் இந்தியா’’ ஆணழகன் போட்டியில் பங்கேற்க முடியாத விரக்தியில், வாலிபர் விஷம் குடித்து தற்கொலை செய்துகொண்டார். ஆவடி, அண்ணணூர், கங்கையம்மன் கோயில் தெருவை சேர்ந்தவர் சந்தோஷ்குமார் (22). மதுரவாயல் தனியார் பல்கலைக்கழக பொறியியல் பட்டதாரி. சந்தோஷ்குமாருக்கு ஒரு பாடத்தில் அரியர் உள்ளது. இதற்கிடையில், கடந்த ஆண்டு நடந்த தமிழக அளவிலான ஆணழகன் போட்டியில் பங்கேற்று, வெற்றி பெற்றார். இதையடுத்து, ‘‘மிஸ்டர் இந்தியா’’ பட்டம் பெற பல்கலைக்கழகத்தின் மூலம் சந்தோஷ்குமார் முயற்சி எடுத்து வந்தார். இந்நிலையில், சந்தோஷ்குமார் தோல்வி அடைந்த ஒரு பாடத்தை எழுதி முடித்து, ‘‘மிஸ்டர் இந்தியா’’ போட்டிக்கு செல்வதற்குள் 23 வயதாகிவிடும் என்பதால், அவரால் போட்டியில் பங்கேற்க முடியாது. இதனால் சந்தோஷ்குமார் கடந்த சில தினங்களாக மனம் உடைந்து காணப்பட்டதாக கூறப்படுகிறது.

இந்நிலையில் நேற்று காலையில் வீட்டில் யாரும் இல்லாத நேரத்தில், சந்தோஷ்குமார் விஷம் குடித்து தற்கொலை செய்துகொண்டார். இதைப்பார்த்து பெற்றோர் மற்றும் உறவினர்கள் அதிர்ச்சி அடைந்து கதறி அழுதனர். தகவலறிந்து திருமுல்லைவாயல் போலீசார் சம்பவ இடத்துக்கு விரைந்து வந்து அவரது சடலத்தை கைப்பற்றி, பிரேத பரிசோதனைக்காக கீழ்ப்பாக்கம் அரசு மருத்துவமனைக்கு, அனுப்பி வைத்தனர். மேலும், போலீசார் வழக்குப்பதிவு செய்து விசாரித்து வருகின்றனர்.


மேலும் செய்திகள்

Like Us on Facebook Dinkaran Daily News
  • chennai_pkankatchui1

    சென்னை போட்டோ பியானாலேவின் 2வது புகைப்பட கண்காட்சி!!

  • israelmoonshuttle

    சந்திரனில் ஆய்வு நடத்த வெற்றிகரமாக விண்கலம் அனுப்பி இஸ்ரேல் சாதனை

  • chennai_laksh1

    திருவேங்கடமுடையான் வெங்கடேச பெருமாள் கோயிலில் ஆண்டாளுக்கு லட்சார்ச்சனை விழா

  • chinadance

    சீனாவில் லூஸெங் எனப்படும் இசைக்கருவியை கொண்டாடும் விதமாக மியோவா மக்கள் நடத்திய பாரம்பரிய நடனம்

  • Autoshow2019

    கனடாவில் சர்வதேச ஆட்டோ ஷோ 2019: முன்னணி நிறுவனங்களின் கிளாசிக் கார்கள் பங்கேற்பு

படங்கள் வீடியோ கல்வி சினிமா ஜோ‌திட‌ம்