SUN குழுமத்திலிருந்து வெளிவரும் காலை நாளிதழ்

பிச்சைக்காரர்போல் நடித்து கைவரிசை தபால் நிலையத்தில் 4 லட்சம் திருட்டு : மலப்புரம் அருகே பரபரப்பு

2018-06-15@ 00:54:43

திருவனந்தபுரம்: மலப்புரம் அருகே பிச்சை கேட்பதுபோல் தபால் அலுவலகத்திற்குள் சென்று 4 லட்சம் பணத்தை திருடிய ஆசாமியை போலீசார் தேடி வருகின்றனர். கேரள மாநிலம் மலப்புரம் மாவட்டம் திரூர் கிழக்கு பஜார் பகுதியில் தபால் நிலையம் ஒன்று உள்ளது. இங்கு நேற்று முன்தினம் மதியம் சுமார் 1 மணியளவில் துணை போஸ்ட் மாஸ்டர் பார்கவி உள்பட 3 ஊழியர்கள் பணியில் இருந்தனர். அப்போது தலையில் தொப்பி அணிந்த ஒருவர் தபால் நிலையத்திற்கு வந்து பிச்சை கேட்டுள்ளார். இதையடுத்து அதிகாரி பார்கவி அவருக்கு உதவி செய்ய நினைத்து தனது பேக்கை திறந்து பணம் எடுத்து கொண்டிருந்தார்.

அப்போது மேஜை மீது 2 கட்டு 2 ஆயிரம் நோட்டுகள் என மொத்தம் 4 லட்சம் இருந்தது.  பிச்சை கேட்டு வந்த வடமாநில ஆசாமி திடீரென 4 லட்சத்தை எடுத்து கொண்டு அங்கிருந்து ஓடி விட்டார். விசாரணையின் போது போலீசார், அந்த பகுதியில் உள்ள கடையில் இருந்த சிசிடிவி கேமராவை   பார்த்த போது திருடிய நபர் தபால் நிலையத்திற்கு வந்து செல்லும் காட்சிகள் பதிவாகி இருந்தது. மேலும் இந்த நபர் தான் மலப்புரம், கோட்டக்கலில் தனியார் மருத்துவமனையில் 15 ஆயிரம் திருடி சென்றதும் உறுதி செய்யப்பட்டது. இந்த தபால் நிலையத்தில் வாடிக்கையாளர் ஒருவர் தனது சேமிப்பு கணக்கை முடித்து 7.5 லட்சம் பணத்தை வாங்க வந்துள்ளார். அவரிடம் பணம் மதியம் தரப்படும் என கூறப்பட்ட நிலையில், தலைமை தபால் நிலையத்தில் இருந்து பணம் பெறப்பட்டது. பின்னர் அந்த பணத்தில் 4 லட்சத்தை எண்ணி மேஜையில் வைத்திருந்தனர். அப்போதுதான் பிச்சை கேட்டு வந்த ஆசாமி திருடி சென்றதும் விசாரணையில் தெரியவந்தது.


மேலும் செய்திகள்

Like Us on Facebook Dinkaran Daily News
  • chennai_pkankatchui1

    சென்னை போட்டோ பியானாலேவின் 2வது புகைப்பட கண்காட்சி!!

  • israelmoonshuttle

    சந்திரனில் ஆய்வு நடத்த வெற்றிகரமாக விண்கலம் அனுப்பி இஸ்ரேல் சாதனை

  • chennai_laksh1

    திருவேங்கடமுடையான் வெங்கடேச பெருமாள் கோயிலில் ஆண்டாளுக்கு லட்சார்ச்சனை விழா

  • chinadance

    சீனாவில் லூஸெங் எனப்படும் இசைக்கருவியை கொண்டாடும் விதமாக மியோவா மக்கள் நடத்திய பாரம்பரிய நடனம்

  • Autoshow2019

    கனடாவில் சர்வதேச ஆட்டோ ஷோ 2019: முன்னணி நிறுவனங்களின் கிளாசிக் கார்கள் பங்கேற்பு

படங்கள் வீடியோ கல்வி சினிமா ஜோ‌திட‌ம்