SUN குழுமத்திலிருந்து வெளிவரும் காலை நாளிதழ்

இன்ஸ்பெக்டர் திட்டியதால் பெண் போலீஸ் தற்கொலை முயற்சி: கடலூரில் பரபரப்பு

2018-06-14@ 00:43:33

கடலூர்: கடலூரில் ஆயுதப்படை பெண் போலீஸ், இன்ஸ்பெக்டர் திட்டியதாகக்கூறி தற்கொலை முயற்சியில் ஈடுபட்டது பரபரப்பை ஏற்படுத்தி உள்ளது.
கடலூர் ஆயுதப்படை பிரிவில் பணியாற்றி வருபவர் சவிதா(27). இவரது கணவர் சத்தியசீலன்(35). இவரும் ஆயுதப்படையில் பணியாற்றி வருகிறார். இருவரும் காதல் திருமணம் செய்து கொண்டவர்கள். 2 குழந்தைகள் உள்ளது. கடலூர் புதுக்குப்பத்தில் உள்ள காவலர் குடியிருப்பில் வசித்து வருகின்றனர்.
சவிதா காவல்துறையில் உள்ள வானொலி தகவல் பிரிவில் கடந்த சில நாட்களாக பணியில் இருந்துள்ளார். அவ்வப்போது பிற பாதுகாப்பு பணிகளிலும் ஈடுபடுத்தப்பட்டுள்ளார். இதற்கிடையே குழந்தைகளின் உடல் நிலை பாதிக்கப்பட்டுள்ளதாகவும், இதனால் பணியில் விடுப்பு மற்றும் கடலூரிலேயே இருக்கும் வகையில் பணி அளிக்க வேண்டும் என்று உயர் அதிகாரிகளிடம் கூறிவந்தார். சவிதாவுக்கு உரிய பணி ஒதுக்கீடு கிடைக்காததால் மனமுடைந்து நிலையில் காணப்பட்டார். மேலும் பணி விடுப்பு உள்ளிட்டவை தொடர்பாக ஆயுதப்படையின் இன்ஸ்பெக்டர் சிவசங்கரன் திட்டியதாக கூறப்படுகிறது.

இந்நிலையில் நேற்று சவிதாவுக்கு நீதிமன்ற பாதுகாப்பு பணி ஒதுக்கீடு செய்யப்பட்டுள்ளது. இதற்கான ஆணையை பெற்ற நிலையில் நீதிமன்றத்துக்கு அவர் செல்லவில்லை. வீட்டுக்கு சென்ற சவிதா மனஉளைச்சல் காரணமாக விஷம் குடித்துள்ளார்.மயங்கிய நிலையில் கிடந்த சவிதாவை பார்த்த அக்கம், பக்கத்தினர் மீட்டு, கடலூர் அரசு மருத்துவமனையில் சேர்த்தனர். தற்கொலை முயற்சிக்கு முன்பு அவர் எழுதிய 3 பக்க கடிதம் போலீசாரிடம் சிக்கியது. புதுநகர் போலீசார் இதுகுறித்து வழக்கு பதிவு செய்து விசாரணை நடத்தி வருகின்றனர். ஐஜி தர் விளக்கம்: போலீஸ் துறை என்றாலே பணி சுமைதான். எனவே பணி சுமை என்று சொல்வதற்கு ஒன்றுமில்லை என்றார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • SabarmatiAshramhundredyears

    அகமதாபாத்தில் காந்தியின் சபர்மதி ஆசிரமம் தொடங்கி நூறாண்டுகள் நிறைவு

  • bulletproof_eepil11

    தீவிரவாத தாக்குதலில் இருந்து பாதுகாக்க ஈபிள் கோபுரத்தை சுற்றி குண்டு துளைக்காத கண்ணாடிகள் அமைப்பு

  • yoga_day_US

    சர்வதேச யோகா தினம்: அமெரிக்காவின் பல்வேறு பகுதிகளில் களைகட்ட தொடங்கிய யோகாசன நிகழ்ச்சிகள்!

  • kuwait_dust_strom

    குவைத்தில் புழுதி புயலால் செந்நிறத்தில் காட்சியளித்த வானம்...மக்கள் கடும் அவதி!

  • ramnathgreece

    ஜனாதிபதி ராம்நாத் கோவிந்த் மூன்று நாடுகளுக்கு சுற்றுப்பயணம்

படங்கள் வீடியோ கல்வி சினிமா ஜோ‌திட‌ம்