SUN குழுமத்திலிருந்து வெளிவரும் காலை நாளிதழ்

அறிவு பரம்பரையாக வருவது கிடையாது: ராகுல் மீது ஜெட்லி பாய்ச்சல்

2018-06-14@ 00:41:38

புதுடெல்லி: பிரதமர் மோடியை கடுமையாக விமர்சித்து வரும் ராகுல் காந்திக்கு பதிலடி கொடுக்கும் வகையில், ‘அறிவு பரம்பரையாக வருவது கிடையாது’ என அமைச்சர் அருண் ஜெட்லி தெரிவித்துள்ளார். காங்கிரஸ் தலைவர் ராகுல் காந்தி சமூக வலைதளங்கள் மூலமாகவும், பொது கூட்டங்களிலும் பாஜ மற்றும் பிரதமர் நரேந்திரமோடியை கடுமையாக விமர்சித்து கருத்து கூறி வருகிறார். சில தினங்களுக்கு முன் பேசிய ராகுல், பாஜ தலைமையிலான அரசு, பெரிய கார்ப்பரேட் நிறுவனங்களுக்கு ரூ.2.5 லட்சம் கோடி கடன் தள்ளுபடி செய்திருப்பதாக கூறினார். இதன் மூலமாக முத்ரா யோஜனா திட்டத்தை அவர் விமர்சித்தார். மேலும், கோககோலா நிறுவனர் ஷிகான்சி எனப்படும் லெமன் ஜூஸ் விற்றதாகவும், மெக்டொனால்ட் நிறுவனர் தாபா நடத்தியதாகவும் அவர் மேற்கோள் காட்டியிருந்தார்.

இந்நிலையில் காங்கிரஸ் மற்றும் ராகுலுக்கு பதிலடி கொடுக்கும் வகையில், ‘காங்கிரஸ் கட்சியில் சிந்தாந்தம் குறைந்து வருகிறதா? மோடியை எதிர்ப்பது தான் மட்டும்தான் கொள்கையா? என்ற தலைப்பில் மத்திய அமைச்சர் அருண் ெஜட்லி தனது பேஸ்புக் பக்கத்தில் கருத்துக்களை பதிவிட்டுள்ளார்.
இந்த பதிவில், ‘காங்கிரஸ் கட்சியின் சித்தாந்தம் குறைந்து வருகின்றது. ஏனென்றால் அதன் மனதில் புகுந்துள்ள ஒரே ஒரு நபர் நரேந்திர மோடி மட்டும் தான். 2008ம் ஆண்டு முதல் 2014ம் ஆண்டு வரை ஐக்கிய முற்போக்கு கூட்டணி ஆட்சியின்போது கடனை செலுத்தாத 15 பேருக்கு வங்கி கடன் வழங்கப்பட்டுள்ளது. அதனை தற்போது நேர்மாறாக கூறுகிறார்கள். வங்கியின் செயல்பாடு மற்றும் அதன் அடிப்படை நடைமுறையை புரிந்துகொள்ள முடியாத ஒரு தேசிய கட்சியின் தலைவர் குறித்து அந்த கட்சியும் கவலைப்பட வேண்டும், நாடும் கவலைப்பட வேண்டும். குடும்ப வழி கட்சிகளில் அரசியல் பதவிகள் என்பது பரம்பரையானது. துரதிஷ்டவசமாக அறிவை பரம்பரையாக பெற முடியாது. கற்பதன் மூலமாகதான் அறிவை பெற முடியும்’ என்று கூறப்பட்டுள்ளது.

மேலும் செய்திகள்

Like Us on Facebook Dinkaran Daily News
  • militaryparangimalai

    ராணுவ வாகனங்கள், ஆயுதங்கள், யானை தந்தங்களுடன் கம்பீரமாக காட்சியளிக்கும் பரங்கிமலை ராணுவ பயிற்சி மையம்

  • guwahatidiadhani

    குவஹாத்தியில் தியோதானி திருவிழா கொண்டாட்டம் : விலங்குகளை பலி கொடுத்து பக்தர்கள் வழிபாடு

  • koreanwarmeet

    கொரிய போரின் போது குடும்பங்களை பிரிந்து சென்ற மக்கள் 65 ஆண்டுகளுக்கு பிறகு கண்ணீர்மல்க சந்திப்பு

  • srilankakitefestival

    இலங்கையில் பட்டம் திருவிழா கோலாகலம் : பல்லாயிரக்கணக்கானோர் வண்ணமயமான பட்டங்களுடன் பங்கேற்பு

  • studendsrussiachennai

    ரஷ்யா மற்றும் ஹங்கேரி கலாச்சார நிகழ்ச்சியில் பங்கேற்ற கூடங்குளம் மாணவர்கள் சென்னை திரும்பினர்

படங்கள் வீடியோ கல்வி சினிமா ஜோ‌திட‌ம்