SUN குழுமத்திலிருந்து வெளிவரும் காலை நாளிதழ்

சிங்கப்பூரில் நேற்று அதிபர்கள் டிரம்ப்- கிம் ஜோங் உன் சந்திப்பு: ஐநா வரவேற்பு

2018-06-13@ 10:33:45

வாஷிங்டன்: அமெரிக்க அதிபர் டொனால்ட் டிரம்ப்- வடகொரிய அதிபர் கிம் ஜோங் உன் சந்திப்பிற்கு உலகநாடுகளின் தலைவர்களும், ஐக்கிய நாடுகள் சபையும் வரவேற்பு தெரிவித்துள்ளது. சிங்கப்பூர் சென்டோசா தீவில் உள்ள கேபெல்லா ஓட்டலில் அமெரிக்க அதிபர் டொனால்ட் டிரம்ப்- வடகொரிய அதிபர் கிம் ஜாங் உன் இடையேயான வரலாற்று சிறப்புமிக்க சந்திப்பு காலை 6.30 மணியளவில் நடைபெற்றது. இந்த சந்திப்பின் போது இருநாட்டு அதிபர்களும் 45 நிமிடங்கள் தனியாக பேச்சுவார்த்தை நடத்தினர். இந்த சந்திப்பின் போது அணு ஆயுத கூடம் முழுமையான ஒழிக்கப்படும் என வடகொரிய அதிபர் ஜிங் உன் தெரிவித்தார்.

இதனையடுத்து அமெரிக்கா-வடகொரியா இடையே முக்கிய ஒப்பந்தங்கள் கையெழுத்தாகியுள்ளன. அமெரிக்கா அதிபர் டிரம்ப், வடகொரிய அதிபர் கிம் ஜோங்க் உன் இடையே நேற்று சிங்கப்பூரில் நடைபெற்ற பேச்சுவார்த்தையை இந்தியா உள்பட பல்வேறு உலக நாடுகள் வரவேற்றுள்ளன. இது தொடர்பாக மத்திய வெளியுறவுத்துறை அமைச்சகம் வெளியிட்டுள்ள அறிக்கையில், ‘‘அமெரிக்கா - வடகொரியா அதிபர்கள் இடையேயான சிங்கப்பூர் சந்திப்பை வரவேற்கிறோம். இது இருநாடுகள் இடையே நேர்மறையான முன்னேற்றத்தை குறிக்கிறது.

கொரிய தீபகற்பத்தில் அமைதி மற்றும் ஸ்திரத்தன்மை பேச்சுவார்த்தை மற்றும் தூதரக ரீதியாக நிலவ இந்தியா எப்போதும் தீவிர ஒத்துழைப்பை  வழங்கும்’’ என்று கூறப்பட்டுள்ளது. இதேபோல் இந்த பேச்சுவார்த்தை சிறப்பான ஒரு துவக்கத்தை ஏற்படுத்தி உள்ளதாக, தென்கொரியா, சீனா, ரஷ்யா உள்பட பல்வேறு நாடுகள் தெரிவித்துள்ளனர். மேலும் இந்த சந்திப்பிற்கு ஜநா அவை வரவேற்பு தெரிவித்துள்ளது. இருநாட்டு தலைவர்களின் சந்திப்பு மற்றும் பேச்சுவார்த்தையின் மூலம் எந்த பிரச்சனைகளையும் தீர்க்க முடியும் என்பதற்கு ஓர் எடுத்துக்காட்டு ஆகும், கொரிய தீபகற்பத்தில் அமைதி நிலவ இந்த நடவடிக்கை நல்ல தீர்வாக அமைத்திருக்கிறது. அமைதி முயற்சி சவாலான ஒன்றுதான் என்றுபோதும், அது நிறைவேறும்போது மகிழ்ச்சியாக இருக்கும் என்றும் ஐநா அவை தெரிவித்துள்ளது.


மேலும் செய்திகள்

Like Us on Facebook Dinkaran Daily News
  • 129JawaharlalNehru

    நாட்டின் முதல் பிரதமர் ஜவஹர்லால் நேருவின் 129வது பிறந்தநாள்: அரசியல் தலைவர் மரியாதை

  • 2018TiruvannamalaiDeepam

    திருவண்ணாமலை கார்த்திகை தீபத்திருவிழா கொடியேற்றத்துடன் இன்று கோலாகலமாக தொடங்கியது

  • israelfire

    காஸா மீது சரமாரியாக குண்டுவீசிய இஸ்ரேல்: ராக்கெட் தாக்குதலுக்கு பதிலடி

  • singaporeasianmodi

    சிங்கப்பூரில் 13வது கிழக்காசிய உச்சி மாநாடு : பிரதமர் மோடி பங்கேற்பு!

  • crowd_thiruchendhuru11

    சூரபத்மனை வதம் செய்தார் சுவாமி ஜெயந்திநாதர் : சூரசம்ஹார நிகழ்ச்சியால் திருச்செந்தூர் விழா கோலம் பூண்டது

படங்கள் வீடியோ கல்வி சினிமா ஜோ‌திட‌ம்