SUN குழுமத்திலிருந்து வெளிவரும் காலை நாளிதழ்

ஆன்லைன் வர்த்தக விற்பனை பிரதிநிதியிடம் ரூ41 ஆயிரம் மதிப்பு பொருட்கள் அபேஸ் : சுருட்டிக்கொண்டு தப்பியவர்கள் வடமாநில வாலிபர்களா?

2018-06-13@ 00:55:38

மைசூரு :  ஆன்லைன் வர்த்தக விற்பனையாளர் விற்பனைக்கு கொண்டு சென்றபோது ரூ.41 ஆயிரம் மதிப்புள்ள பொருட்கள் திருட்டு போயின. இதில் ஈடுபட்டவர்கள் வட மாநிலத்தை சேர்ந்த வாலிபர்களாக இருக்கலாம் என போலீசார் சந்தேகிக்கிறார்கள். மைசூரு வித்யநாராயணபுரத்தில் ஆன்லைன் வர்த்தக நிறுவனத்தின் பொருட்களை அந்தந்த முகவரிக்கு கிரிஷ் பாபு என்ற விற்பனையாளர் வழங்கிக் கொண்டிருந்தார். அப்போது ஒரு வீட்டின் முன்பு பைக்கை நிறுத்திவிட்டு அதில் பொருட்கள் இருந்த பையை வைத்துவிட்டு வீட்டில் பொருட்களை வழங்க சென்றார். சிறிது நேரம் கழித்து திரும்பி  வந்து பார்த்தபோது பையை காணவில்லை. அந்த பையில் விலை உயர்ந்த செல்போன்கள் உள்பட ரூ.41 ஆயிரம் மதிப்புள்ள 31 வகையான பொருட்கள் இருந்துள்ளன.

இது தொடர்பாக போலீசில் புகார் அளிக்கப்பட்டுள்ளது. போலீசார் வழக்கு பதிவு செய்து திருட்டில் ஈடுபட்ட மர்ம நபர்களை போலீசார் வலைவீசி தேடி வருகிறார்கள். இதேபோல கடந்த ஜூன் 2ம் தேதி ஆன்லைன் விற்பனையாளர் கொண்டு சென்ற செல்போன் உள்ளிட்ட பொருட்கள் கொள்ளையடிக்கப்பட்டன. ஆன்லைன் வர்த்தக நிறுவனத்தின் விற்பனையாளர்களை குறிவைத்து நடக்கும் இந்த கொள்ளைச் சம்பவங்கள் அதிகரித்து வருகின்றன. இதைத் தடுக்க நடவடிக்கை எடுக்க வேண்டும் என்று விற்பனையாளர்கள் கோரிக்கை வைத்துள்ளனர். இது குறித்து வித்யநாராயணபுரா காவல்துறை ஆய்வாளர் கூறுகையில் ‘’பொருட்கள் காணாமல்போன இடத்தில் சி.சி.கேமரா பொருத்தவில்லை. எனவே கொள்ளையடித்த நபர்களை கண்டுபிடிப்பது சிரமம். இதில் வட மாநில இளைஞர்கள் ஈடுபட்டிருக்கலாம். ஆன்லைன் வர்த்தகத்தில் பணியாற்றும் இளைஞர்களை குறிவைத்தே இது போன்ற கொள்ளை சம்பவங்கள் அரங்கேறுகின்றன’’ என்றார்.


மேலும் செய்திகள்

Like Us on Facebook Dinkaran Daily News
  • iraqbikersride

    ஈராக்கில் சகோதரத்துவத்தை வலியுறுத்தி இருசக்கர வாகன ஓட்டிகள் நாடு முழுவதும் சுற்றுப்பயணம்

  • niagarafallssnow

    கனடாவில் பனிபொழிவால் உறைபனியாக காட்சியளிக்கும் நயாகரா நீர்வீழ்ச்சி

  • SiddhagangaSivakumarasamy

    பெங்களூரு சித்தகங்கா மடாதிபதி சிவகுமாரசாமியின் உடல் நல்லடக்கம் : அமைச்சர்கள் பங்கேற்பு

  • govindpmawards

    பிரதமரின் தேசிய பாலர் விருதுகளை வழங்கினார் குடியரசுத் தலைவர் ராம்நாத் கோவிந்த்

  • 23-01-2019

    23-01-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்