SUN குழுமத்திலிருந்து வெளிவரும் காலை நாளிதழ்

பயங்கரவாதத்தை ஒடுக்க தமிழக அரசு தயாராக இல்லை: பொன்.ராதாகிருஷ்ணன் பேட்டி

2018-06-13@ 00:28:47

தஞ்சை: தமிழக அரசு பயங்கரவாதத்தை ஒடுக்க தயாராக இல்லை என தஞ்சையில் பொன்.ராதாகிருஷ்ணன் தெரிவித்தார். தஞ்சையில் நேற்று, நிருபர்களிடம் மத்திய இணை அமைச்சர் பொன்.ராதாகிருஷ்ணன் கூறியதாவது: சென்னையில் இருந்து சேலத்திற்கு புதியதாக அமைக்கப்பட கூடிய 8 வழி சாலையான பசுமை சாலை திட்டத்திற்கு தமிழக அரசு ஒப்புதல் அளித்துள்ளது. தற்போது அந்த சாலை அமைப்பதில் பொய்யான காரணங்களை காட்டி, பொதுமக்கள் மத்தியில் தவறான பிரசாரங்களை செய்து கொண்டு இருக்கிறார்கள். இதுபோன்ற செயல்பாடுகள் எந்த புதிய திட்டத்தையும் தமிழகத்திற்கு கொண்டு வர முடியாமல் செய்து விடும். இரண்டு ஆண்டுகளுக்கு மேலாக 28 ஆயிரம் கோடி ரூபாயில் புதிய துறைமுகம் அமைப்பதற்கு ஒப்புதல் கொடுத்தும், அதை கிடப்பில் போட்டு, அத்திட்டத்தை கொண்டு வரக்கூடிய எந்த முயற்சியிலும் தமிழக அரசு இறங்காமல் இருப்பது மிக பெரிய வேதனையாக உள்ளது.

குளச்சலில் அமைய உள்ள துறைமுக பணிகளை துவங்க தமிழக அரசு ஒத்துழைப்பு தர வேண்டும். காவிரி ஆணையத்தை மத்திய அரசு அமைத்து விட்டது. ஆனால் தற்போது காவிரி ஆணையத்திற்கான உறுப்பினர்களை கர்நாடக அரசு அறிவிக்கவில்லை. எஸ்.வி.சேகர் கைது குறித்து தமிழக அரசிடம் கேட்க வேண்டும். அவரை கைது செய்வதை பா.ஜ. தடுக்கவில்லை. தமிழக அரசு பயங்கரவாதத்தை ஒடுக்கவும், பிரச்னைகளுக்கு தீர்வு காணவும் தயாராக இல்லை. காவல்துறையும், அதிகாரிகளும் தமிழக அரசாங்கத்தால் அச்சுறுத்தப்படுகின்றனர். பாஜக எந்த கட்சியின் கூட்டணிக்காகவும் ஏங்கி நிற்கவில்லை. பாஜகவுடன் கூட்டணி வைக்கவே பல கட்சிகள் தயாராக உள்ளது. இவ்வாறு பொன்.ராதாகிருஷ்ணன் கூறினார்.


மேலும் செய்திகள்

Like Us on Facebook Dinkaran Daily News
  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 13 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

  • 18-07-2019

    18-07-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்