SUN குழுமத்திலிருந்து வெளிவரும் காலை நாளிதழ்

ஆட்டோமொபைல்: சவாலான விலையில் பலேனோ, பிரெஸ்ஸா

2018-06-10@ 00:43:31

மாருதி நிறுவனத்திடமிருந்து பெறப்பட இருக்கும் பலேனோ மற்றும் பிரெஸ்ஸா கார்களின் ரீபேட்ஜ் மாடல்களின் விலை மிக சவாலாக நிர்ணயிக்க டொயோட்டா திட்டமிட்டுள்ளது. மாருதியின் தாய் நிறுவனமான சுஸுகியும், டொயோட்டா நிறுவனமும் கார்களை ரீபேட்ஜ் செய்து விற்பனை செய்வதற்கான ஒப்பந்தத்தை கடந்த ஆண்டு செய்துகொண்டன. இதன்படி, மாருதி சுஸுகி நிறுவனத்தின் பலேனோ மற்றும் பிரெஸ்ஸா கார்களை டொயோட்டா நிறுவனமும், கரொல்லா செடான் காரை மாருதி நிறுவனமும் விற்பனை செய்வதற்கான திட்டம் போடப்பட்டுள்ளது. ரீபேட்ஜ் செய்யப்படும் கார் மாடல்கள் பொதுவாக விலை அதிகம் நிர்ணயிக்கப்படுவது வழக்கம். உதாரணமாக, ரெனோ டஸ்ட்டர், நிஸான் பிராண்டில் டெரானோவாக விற்பனை செய்யப்படுகிறது. ஆனால், நிஸான் விலை அதிகம் நிர்ணயித்து விற்பனை செய்ய வேண்டும் என்பது ஒப்பந்தம். மறுபுறத்தில், நிஸான் சன்னி கார், ரெனோ ஸ்காலா என்ற மாடலில் ரீபேட்ஜ் செய்தபோது விலை அதிகம் நிர்ணயிக்கப்பட்டது. ஆனால், ரெனோ ஸ்காலா உள்ளிட்ட ரீபேட்ஜ் செய்த மாடல்களுக்கு போதிய வரவேற்பில்லை. இதனால், ரெனோ ஸ்காலா, பல்ஸ் உள்ளிட்ட கார் மாடல்கள் விலக்கிக்கொள்ளப்பட்டது.

இந்த சூழலில்தான், நாட்டின் மிகப்பெரிய கார் நிறுவனமான மாருதியும், டொயோட்டாவும் இந்த ரீபேட்ஜ் யுக்தியை கையில் எடுத்துள்ளன. மாருதி பலேனோ மற்றும் பிரெஸ்ஸா கார்களை டொயோட்டா ரீபேட்ஜ் செய்யும்போது அதிக விலை நிர்ணயிக்கும் வகையில்தான் ஒப்பந்தம் செய்வது வழக்கம். இதுகுறித்து டொயோட்டா அதிகாரிகள் கூறுகையில், “பட்ஜெட் கார் மார்க்கெட்டில் மாருதி சிறப்பான மதிப்பை பெற்றிருப்பதை உணர்ந்து கொண்டுள்ளோம். மாருதி பலேனோ மற்றும் பிரெஸ்ஸா கார்களுக்கு அதிக அளவில் உள்ளூர் உதிரிபாகங்களை பயன்படுத்த திட்டமிட்டுள்ளோம். இதன்மூலமாக, விலையை மிக சவாலாக நிர்ணயிக்க திட்டமிட்டுள்ளோம். இந்திய மார்க்கெட்டில் விலை நிர்ணயம் வர்த்தகத்தில் மிக முக்கிய பங்கு வகிப்பதை உணர்ந்து கொண்டுள்ளோம்,” என்றனர். இதனால், டொயோட்டா பிராண்டில் வரும் மாருதி பலேனோ மற்றும் பிரெஸ்ஸா கார்கள்
மீதான எதிர்பார்ப்பு கூடியிருக்கிறது. அடுத்த ஓராண்டில் இந்த ரீபேட்ஜ் மாடல்கள் இந்திய மண்ணில் வருவதற்கான வாய்ப்புகள் அதிகம் உள்ளன.


மேலும் செய்திகள்

Like Us on Facebook Dinkaran Daily News
  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

  • sriramayanatrain

    புறப்பட்டது ஸ்ரீ ராமாயண எக்ஸ்பிரஸ் : புண்ணிய தலங்களில் 16 நாட்கள் சுற்றுலாப் பயணம்

படங்கள் வீடியோ கல்வி சினிமா ஜோ‌திட‌ம்