SUN குழுமத்திலிருந்து வெளிவரும் காலை நாளிதழ்

அமெரிக்காவின் வர்த்தக கொள்கைகளுக்கு எதிர்ப்பு : பிரிக்ஸ் மாநாட்டில் தீர்மானம்

2018-06-06@ 01:08:09

பிரிட்டோரியா: அமெரிக்காவின் வர்த்தக கொள்கைகளுக்கு பிரிக்ஸ் வெளியுறவுத்துறை அமைச்சர்கள் மாநாட்டில் எதிர்ப்பு தெரிவித்து தீர்மானம்  நிறைவேற்றப்பட்டது. பிரேசில், ரஷ்யா, இந்தியா, சீனா மற்றும் தென்ஆப்ரிக்கா ஆகிய நாடுகள் இணைந்த பிரிக்ஸ் நாடுகள் கூட்டமைப்பின்  வெளியுறவுத்துறை அமைச்சர்கள் பங்கேற்கும் மாநாடு தென்ஆப்ரிக்காவில் நடக்கிறது. இதில் பங்கேற்க வெளியுறவுத்துறை அமைச்சர் சுஷ்மா சுவராஜ்  5 நாள் பயணமாக அங்கு சென்றுள்ளார். அங்கு அனைத்து நாடுகளும் இணைந்து தீர்மானம் நிறைவேற்றின. அதில் கூறியிருப்பதாவது: உலக வர்த்தக  அமைப்பின் விதிமுறைகளுக்கு எதிராக ஒருதலைப்பட்சமான நடைமுறைகளை கொண்டு வருவதை பிரிக்ஸ் நாடுகள் கடுமையாக எதிர்க்கின்றன.

சர்வதேச விதிகளின்படி பிரிக்ஸ் நாடுகள் இணைந்து செயல்பட உறுதி கொள்ள வேண்டும். ஐநா மற்றும் உலக வர்த்தக அமைப்பு மற்றும் சர்வதேச  விதிமுறைகளின்படி நடுநிலைமையுடன் மறுசீரமைப்பு மேற்கொள்ள வேண்டும். உலக அளவில் உள்ள வர்த்தக பிரச்னைகளை தீர்ப்பதில் வளர்ந்து  வரும் நாடுகளின் பங்களிப்பை உறுதி செய்ய வேண்டும். வெளிப்படையான, பாரபட்சமற்ற முறையில் தடையில்லா வர்த்தகத்தை உறுதிப்படுத்த  வேண்டும்.

ஐநா மூலம் உறுதியான சர்வதேச சட்ட அடிப்படையில் கீழ் பயங்கரவாதத்தை எதிர்க்கும் முயற்சிகளை மேற்கொள்ள வேண்டும். பயங்கரவாதிகள்  மற்றும் பயங்கரவாத நடவடிக்கைகளுக்கு தங்கள் பிராந்தியங்களிலிருந்து நிதியுதவி செய்வதை தடுக்க அனைத்து நாடுகளும் பொறுப்பேற்ற வேண்டும்  என கூறப்பட்டுள்ளது.  இந்த தீர்மானம் அமெரிக்கா புதிதாக கொண்டுவந்த வர்த்தக கொள்கைகளுக்கு மறைமுகமாக எதிர்ப்பு தெரிவிப்பதாக  அமைந்துள்ளது.

அமெரிக்காவுடன் நெருங்கிய வர்த்தக நாடுகளான கனடா, மெக்சிகோ மற்றும் ஐரோப்பிய யூனியன் நாடுகளில் இருந்து அதிக அளவு இரும்பு மற்றும்  அலுமினியம் இறக்குமதி செய்யப்பட்டு வருகிறது. இந்த இறக்குமதிக்கு அதிபர் டிரம்ப் தற்போது கடுமையான வரியை விதித்துள்ளார். மேலும் சீன  பொருட்கள் இறக்குமதிக்கும் வரி கடுமை ஆக்கப்பட்டது. இத்தகைய அமெரிக்க நடவடிக்கைகளுக்கு எதிராக பிரிக்ஸ் வெளியுறவுத்துறை அமைச்சர்கள்  மாநாட்டில் தீர்மானம் போடப்பட்டுள்ளது.


மேலும் செய்திகள்

Like Us on Facebook Dinkaran Daily News
  • 12-12-2018

    12-12-2018 இன்றைய சிறப்பு படங்கள்

  • ramnathgovind

    மியான்மரில் அதிபர் ஆங் சான் சூகியுடன் இந்திய ஜனாதிபதி ராம்நாத் கோவிந்த் சந்திப்பு

  • GuangxiZhuangcele

    தெற்கு சீனாவின் குவாங்ஸி ஜுவாங் தன்னாட்சி பிரதேசத்தின் 60வது ஆண்டு விழா கொண்டாட்டம்

  • chinaexpo

    சீனாவின் பொருளாதார சீர்திருத்தத்தின் 40ம் ஆண்டு நிறைவு விழா: லண்டனில் புகைப்பட கண்காட்சி

  • londonbrexit

    சர்வதேச நாடுகளுடனான பிரெக்சிட் ஒப்பந்தத்திற்கு எதிர்ப்பு தெரிவித்து லண்டனில் மக்கள் போராட்டம்

படங்கள் வீடியோ கல்வி சினிமா ஜோ‌திட‌ம்