SUN குழுமத்திலிருந்து வெளிவரும் காலை நாளிதழ்

நர்சுகள் வேலைநிறுத்தத்துக்கு கண்டனம் : திருவனந்தபுரம் தனியார் மருத்துவமனைகளில் புறநோயாளி பிரிவு சிகிச்சை ரத்து

2018-06-05@ 02:57:57

திருவனந்தபுரம் : நர்சுகள் அடிக்கடி வேலை நிறுத்தம் செய்வதை கண்டித்து திருவனந்தபுரத்தில் தனியார் மருத்துவமனைகளில் நேற்று புற நோயாளிகள் பிரிவு செயல்படவில்லை. இதனால் நோயாளிகள் கடும் அவதியடைந்தனர். கேரளாவில் தனியார் மருத்துவமனையில் பணிபுரியும் நர்சுகள் கடந்த பல மாதங்களாக சம்பள உயர்வு கோரி போராட்டம் நடத்தி வருகின்றனர். இதுதொடர்பாக அரசு நர்சுகள் சங்கத்தினர் மற்றும் தனியார் மருத்துவமனை உரிமையாளர்களை அழைத்து பல முறை அரசு பேச்சுவார்த்தை நடத்தியது. ஆனால் இதில் எந்த உடன்பாடும் ஏற்படவில்லை. குறிப்பிட்ட சதவீதம் சம்பளத்தை உயர்த்தி வழங்குமாறு அரசு சார்பில் தனியார் மருத்துவமனைகளுக்கு வலியுறுத்தப்பட்டது. ஆனால் அதை ஏற்க தனியார் மருத்துவமனை உரிமையாளர்கள் மறுத்து விட்டனர். இதையடுத்து நர்சுகள் சங்கத்தின் சார்பில் கேரள உயர் நீதிமன்றத்தில் வழக்கு ெதாடரப்பட்டது. இதை விசாரித்த உயர் நீதிமன்றம் சம்பளத்தை அதிகரித்து வழங்குமாறு உத்தரவிட்டது. ஆனால் ஒரு சில மருத்துவமனைகள் தவிர பெரும்பாலான தனியார் மருத்துவமனைகள் இந்த உத்தரவை ஏற்கவில்லை.

இதையடுத்து நர்சுகள் மீண்டும் வேலை நிறுத்தத்தில் ஈடுபட்டனர்.  இந்தநிலையில் நர்சுகள் அடிக்கடி வேலை நிறுத்தத்தில் ஈடுபடுவதை கண்டித்து, நேற்று ஒரு நாள் புறநோயாளிகள் பிரிவு செயல்படாது என்று திருவனந்தபுரத்தில் உள்ள தனியார் மருத்துவமனை உரிமையாளர்கள் சங்கத்தினர் அறிவித்தனர். அதன்படி நேற்று திருவனந்தபுரத்தில் 30க்கும் மேற்பட்ட தனியார் மருத்துமனைகளில் புறநோயாளிகள் பிரிவு செயல்படவில்லை. இதனால் மருத்துவமனைக்கு வந்த நோயாளிகள் கடும் அவதிப்பட்டனர். ஆனால் உள்நோயாளிகள் பிரிவு வழங்கம்போல் செயல்பட்டது. தனியார் மருத்துவமனைகளின் இந்த நடவடிக்கையால் திருவனந்தபுரத்தில் பெரும் பரபரப்பு ஏற்பட்டுள்ளது.


மேலும் செய்திகள்

Like Us on Facebook Dinkaran Daily News
  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

  • 03-06-2020

    03-06-2020 இன்றைய சிறப்பு படங்கள்

  • schoolopen3

    சிங்கப்பூரில் 2 மாதங்களுக்கு பிறகு பள்ளிகள் மீண்டும் திறப்பு: மாணவர்கள் முகக்கவசம் அணிந்து வருகை!!!

படங்கள் வீடியோ கல்வி சினிமா ஜோ‌திட‌ம்