SUN குழுமத்திலிருந்து வெளிவரும் காலை நாளிதழ்

ஆண்டியப்பனூர் நீர்த்தேக்கத்தை சீர்படுத்தி பயன்பாட்டிற்கு கொண்டு வர மக்கள் கோரிக்கை

2018-05-31@ 10:46:43

திருப்பத்தூர்: வேலூர் மாவட்டம் திருப்பத்தூர் ஒன்றியத்திற்குட்பட்ட ஆண்டியப்பனூர் நீர்தேக்கம், ஜவ்வாது மலை அடிவாரத்தில் 216 ஏக்கர் பரப்பளவில் கட்டப்பட்டது. ஆண்டியப்பனூர் நீர்தேக்கம் திருப்பத்தூரிலிருந்து 27 கி.மீ தொலைவில் உள்ளது. இந்த நீர்தேக்கத்தை சுற்றுலாத்தலமாக அறிவிக்க வேண்டும் என பொதுமக்கள் கோரிக்கை விடுத்தனர். அதன் பேரில் ஆண்டியப்பனூர் நீர்தேக்கம் சுற்றுலாத்தலமாக அறிவிக்கப்பட்டு அதற்கான நிதியாக ரூ.1 கோடியே 35 லட்சம் ஒதுக்கீடு செய்யப்படும் என அறிவிப்பும் வெளியானது.

ஆனால் தற்போது வரை ஆண்டியப்பனூர் நீர்தேக்கம் சுற்றுலாத்தலமாக மாற்றப்படவில்லை என்பது மக்களின் ஆதங்கமாக உள்ளது. ஆண்டியப்பனூர் நீர்தேக்கம் செல்ல பெரும்பாலும் தனியார் வாகனங்களையே நம்பி இருப்பதால்,  வாணியம்பாடி உள்ளிட்ட பகுதிகளில் இருந்து பேருந்தை இயக்க அரசு நடவடிக்கை எடுக்கவும் மக்கள் கோரியுள்ளனர். மேலும் இந்த பகுதியில் கழிவறை வசதி, குடிநீர் வசதி போன்ற பல்வேறு அடிப்படை வசதிகளை செய்து தர வேண்டும் என கோரிக்கை எழுந்துள்ளது. அடுத்த கோடை காலத்திற்குள் ஆண்டியப்பனூர் நீர்தேக்கத்தை சிறந்த சுற்றுலாத்தலமாக மாற்ற வேண்டும் என மக்கள் வலியுறுத்தியுள்ளனர்.


மேலும் செய்திகள்

Like Us on Facebook Dinkaran Daily News
  • 29-05-2020

    29-05-2020 இன்றைய சிறப்பு படங்கள்

  • 28-05-2020

    28-05-2020 இன்றைய சிறப்பு படங்கள்

  • 26-05-2020

    26-05-2020 இன்றைய சிறப்பு படங்கள்

  • 25-05-2020

    25-05-2020 இன்றைய சிறப்பு படங்கள்

  • 24-05-2020

    24-05-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்