SUN குழுமத்திலிருந்து வெளிவரும் காலை நாளிதழ்

அம்மா அணி பெயர் மாறுகிறது : மன்னார்குடியில் ஜூன் 10ம் தேதி திவாகரன் புதுக்கட்சி தொடக்கம்

2018-05-31@ 01:28:18

மன்னார்குடி: மன்னார்குடியில் ஜூன் 10ம் தேதி திவாகரன் புதிய பெயரில் கட்சி துவங்குகிறார். புதிய கொடியையும்  அறிமுகம் செய்கிறார். அமமுக என்ற பெயரில் டிடிவி தினகரன் தனிக்கட்சி துவங்கியதை தொடர்ந்து அவருக்கும் சசிகலாவின் தம்பி திவாகரனுக்கும் இடையே மோதல் ஏற்பட்டது.  இதையடுத்து திவாகரன் அம்மா அணி என்ற பெயரில் புதிய அமைப்பை துவக்கினார். அப்போது, அமமுகவிற்கும் தனக்கும் இனி எவ்வித தொடர்பும் இல்லை என்று திவாகரன் கூறினார். மேலும், அம்மா அணியின் தலைமை ஒருங்கிணைப்பாளரான அவர், தமிழகம் முழுவதும் சுற்றுப்பயணம் மேற்கொண்டு தொண்டர்களை சந்திக்க போவதாகவும் தெரிவித்தார்.

இந்தநிலையில், தற்போது கட்சிக்கு அம்மா அணி என்ற வாசகம் இடம்பெறும் வகையில் புதிய பெயர் வைக்கவும், புதிய கொடியை அறிமுகம் செய்யவும் திவாகரன் முடிவு செய்துள்ளார். கருப்பு, சிவப்பு, வெள்ளை நிற கொடியின் நடுவில் பச்சை நிறத்தில் ஒரு நட்சத்திரம் இருக்கும் வகையில் கட்சியின் கொடி உருவாக்கப்பட்டு உள்ளதாக கூறப்படுகிறது. இந்த புதிய கட்சியின் துவக்க விழா வரும் 10ம் தேதி மன்னார்குடி 3வது தெருவில் இருக்கும் அம்மா அணி அலுவலகத்தில் நடைபெற உள்ளது.


மேலும் செய்திகள்

Like Us on Facebook Dinkaran Daily News
  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

  • 17-06-2019

    17-06-2019 இன்றைய சிறப்பு படங்கள்

  • 16-06-2019

    16-06-2019 இன்றைய சிறப்பு படங்கள்

  • 15-06-2019

    15-06-2019 இன்றைய சிறப்பு படங்கள்

  • china

    சீனாவில் பாலம் சரிந்ததால் 2 வாகனங்கள் தண்ணீரில் மூழ்கியது: மூழ்கியவர்களை தேடும் பணி தீவிரம்

படங்கள் வீடியோ கல்வி சினிமா ஜோ‌திட‌ம்