SUN குழுமத்திலிருந்து வெளிவரும் காலை நாளிதழ்

குடகை தனி மாநிலமாக்கினால் தமிழகத்துக்கு காவிரி நீர் தருவோம் : பழங்குடி மக்கள் அறிவிப்பு

2018-05-30@ 01:39:31

கும்பகோணம்: குடகு பகுதியை தனி மாநிலமாக்கினால் தமிழகத்துக்கு காவிரி நீர் தருவோம் என்று குடகு பழங்குடி மக்கள் பயண ஒருங்கிணைப்பாளர் தெரிவித்தார். கர்நாடக மாநிலம் தலைக்காவிரியில் இருந்து பூம்புகார் வரை காவிரி உயிர் நீரோட்ட காப்பு பயணம் மேற்கொள்ளும் குடகு தேசிய குழுவினர் தஞ்சைக்கு நேற்று முன்தினம் வந்தனர். இதைதொடர்ந்து தஞ்சையிலிருந்து கும்பகோணத்துக்கு நேற்று புறப்பட்டு சென்றனர். கும்பகோணத்தில், கர்நாடகா மாநிலம்  குடகு பழங்குடி மக்கள் பயண ஒருங்கிணைப்பாளர் பேராசிரியர் மணி நிருபர்களுக்கு அளித்த பேட்டி:

தற்போது காவிரி ஆறு பாலைவனமாக மாறிவிட்டது. குடகு பகுதியில் காவிரி உருவாகிறது. அங்குதான் 180 டிஎம்சி தண்ணீர் வெளியேறுகிறது.  கர்நாடகா அரசு அப்பகுதியில் 2 அணைகளை கட்டி கொண்டு தண்ணீரை தேக்கி வைத்து எங்களுக்கே தண்ணீர் தர மறுக்கிறது. நாங்கள் ஆழ்குழாய் போர் அமைத்து விவசாயம் செய்து வருகிறோம். எனவே எங்கள் பகுதியான குடகு பகுதியை தனி மாநிலமாகவும் அல்லது புதுச்சேரிபோல் தனி அந்தஸ்து கொண்ட மாநிலமாக அறிவித்தால் தமிழகத்துக்கு தண்ணீர் தருவோம். கர்நாடக அரசு எங்கள் மக்களை ஏமாற்றி வருகிறது.இவ்வாறு மணி கூறினார்.


மேலும் செய்திகள்

Like Us on Facebook Dinkaran Daily News
  • 18-06-2019

    18-06-2019 இன்றைய சிறப்பு படங்கள்

  • yoga

    சர்வதேச யோகா தினத்தை முன்னிட்டு இந்தியா உட்பட பல்வேறு நாடுகளில் யோகா பயிற்சி மேற்கொண்டுவரும் மக்கள்!

  • octopus

    ஜப்பான் ஆழ்கடலில் நீச்சல் வீரர் ஒருவரை இழுத்து செல்ல முயன்ற ஆக்டோபஸ்: வைரலாகும் காட்சிகள்

  • brainfever

    பீகாரில் மூளை காய்ச்சலால் உயிரிழந்த குழந்தைகளின் எண்ணிக்கை 100 ஆக உயர்வு!

  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

படங்கள் வீடியோ கல்வி சினிமா ஜோ‌திட‌ம்