SUN குழுமத்திலிருந்து வெளிவரும் காலை நாளிதழ்

இங்கிலாந்துடன் முதல் டெஸ்ட் : 9 விக்கெட் வித்தியாசத்தில் பாகிஸ்தான் அபார வெற்றி

2018-05-28@ 00:29:25

லண்டன் : இங்கிலாந்து அணியுடனான முதல் டெஸ்டில், பாகிஸ்தான் அணி 9 விக்கெட் வித்தியாசத்தில் வென்றது. லார்ட்ஸ் மைதானத்தில் நடந்த இந்த போட்டியில், டாசில் வென்று பேட் செய்த இங்கிலாந்து அணி முதல் இன்னிங்சில் 184 ரன்னுக்கு சுருண்டது (58.2 ஓவர்). அடுத்து களமிறங்கிய பாகிஸ்தான், முதல் இன்னிங்சில் 363 ரன் குவித்து ஆல் அவுட்டானது. இதைத் தொடர்ந்து, 179 ரன் பின்தங்கிய நிலையில் 2வது இன்னிங்சை தொடங்கிய இங்கிலாந்து 3ம் நாள் ஆட்ட முடிவில் 6 விக்கெட் இழப்புக்கு 235 ரன் எடுத்திருந்தது. ஜோஸ் பட்லர் 66 ரன், டொமினிக் பெஸ் 55 ரன்னுடன் நேற்று 4ம் நாள் ஆட்டத்தை தொடங்கினர். பட்லர் 67 ரன், பெஸ் 57 ரன்னில் அடுத்தடுத்து ஆட்டமிழந்து பெவிலியன் திரும்பினர். மார்க் வுட் 4 ரன்னில் வெளியேற, ஸ்டூவர்ட் பிராடு டக் அவுட்டாகி ஏமாற்றமளித்தார்.

இங்கிலாந்து 7 ரன்னுக்கு கடைசி 4 விக்கெட்டை பறிகொடுத்து 242 ரன்னுக்கு ஆல் அவுட்டானது. பாகிஸ்தான் பந்துவீச்சில் முகமது ஆமிர், முகமது அப்பாஸ் தலா 4, ஷதாப் கான் 2 விக்கெட் வீழ்த்தினர். இதையடுத்து, 64 ரன் எடுத்தால் வெற்றி என்ற எளிய இலக்குடன் 2வது இன்னிங்சை தொடங்கிய பாகிஸ்தான், 12.4 ஓவரில் ஒரு விக்கெட் இழப்புக்கு 66 ரன் எடுத்து அபாரமாக வென்றது. அஸார் அலி 4 ரன் எடுத்து ஆண்டர்சன் வேகத்தில் கிளீன் போல்டானார். இமாம் உல் ஹக் 18 ரன், ஹாரிஸ் சோகைல் 39 ரன்னுடன் ஆட்டமிழக்காமல் இருந்தனர். 2 இன்னிங்சிலும் தலா 4 விக்கெட் கைப்பற்றிய முகமது அப்பாஸ் ஆட்ட நாயகன் விருது பெற்றார். பாகிஸ்தான் 1-0 என முன்னிலை வகிக்க, 2வது மற்றும் கடைசி டெஸ்ட் லீட்ஸ் ஹெடிங்லி மைதானத்தில் ஜூன் 5ம் தேதி தொடங்குகிறது.


மேலும் செய்திகள்

Like Us on Facebook Dinkaran Daily News
  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

படங்கள் வீடியோ கல்வி சினிமா ஜோ‌திட‌ம்