SUN குழுமத்திலிருந்து வெளிவரும் காலை நாளிதழ்

காஷ்மீர் பிரிவினைவாதிகளுடன் பேச்சுவார்த்தைக்கு தயார்: ராஜ்நாத் சிங் அறிவிப்பு

2018-05-27@ 17:56:01

புதுடெல்லி: காஷ்மீரில் அமைதியை ஏற்படுத்தும் பொருட்டு, காஷ்மீர் பிரிவினைவாத அமைப்புகளுடன் பேச்சுவார்த்தை நடத்த தயாராக இருப்பதாக மத்திய உள்துறை அமைச்சர் ராஜ்நாத் சிங் தெரிவித்தார். காஷ்மீரில் அரசுக்கு எதிராக பிரிவினைவாதிகள் செயல்பட்டு வருகின்றனர். அடிக்கடி நடக்கும் கல்வீச்சு சம்பவங்கள், கடையடைப்பு போராட்டங்கள் போன்றவற்றுக்கு பிரிவினைவாத அமைப்புகள் காரணமாக உள்ளன. இதனால் காஷ்மீரில் எப்போதும் அசாதாரண சூழலே நிலவி வருகிறது. அங்கு அமைதியை ஏற்படுத்த மத்திய, மாநில அரசுகள் பல்வேறு நடவடிக்கைகளை மேற்கொண்டு வருகின்றன. இந்நிலையில், காஷ்மீரில் அமைதியை ஏற்படுத்தும் பொருட்டு பிரிவினைவாத தலைவர்களுடன் எப்போது வேண்டுமானால் மத்திய அரசு பேச்சுவார்த்தைக்கு தயாராக இருப்பதாக மத்திய உள்துறை அமைச்சர் ராஜ்நாத் சிங் தெரிவித்துள்ளார்.

மேலும், காஷ்மீரின்  பிரச்னைகள் தொடர்பாக, மத்திய அரசின் சிறப்பு பிரதிநிதி பல்வேறு தரப்பினருடன் பேச்சுவார்த்தை நடத்தி வருகிறார் என தெரிவித்தார்.  காஷ்மீர் பிரிவினை வாதிகளுடன் ஏற்கனவே பேச்சுவார்த்தை நடத்த மத்திய அரசு பலமுறை முயற்சிகளை மேற்கொண்டது. காஷ்மீரை பிரச்னைக்குரிய பகுதியாக அறிவிக்க வேண்டும் என்றும், பாகிஸ்தானையும் பேச்சுவார்த்தைக்கு அழைக்க வேண்டுமென பிரிவினைவாதிகள் கோரிக்கை விடுத்தனர். இதனால் மத்திய அரசின் முயற்சிகள் தோல்வியில் முடிந்தன. இந்நிலையில், பிரிவினைவாதிகளுடன் பேச்சுவார்த்தை நடத்த தயார் என்று ராஜ்நாத் சிங் தற்போது கூறியிருப்பது முக்கியத்துவம் வாய்ந்ததாக கருதப்படுகிறது.  


மேலும் செய்திகள்

Like Us on Facebook Dinkaran Daily News
  • germanybuilding

    ஜெர்மனியில் 1970ம் ஆண்டு கட்டப்பட்ட பழைய கட்டிடம் வெடி வைத்து தகர்ப்பு: புகைப்படங்கள்!

  • siriyaa

    ஐ.எஸ் பயங்கரவாதிகள் பிடியில் இருந்த கடைசி எல்லைப்பகுதியை கைப்பற்றியது சிரியா

  • londonprotest

    பிரிட்டன் பிரதமருக்கு எதிராக மீண்டும் தலைதூக்கும் போராட்டம்: பிரெக்ஸிட் ஒப்பந்தத்தை எதிர்த்து மக்கள் பேரணி!

  • 25-03-2019

    25-03-2019 இன்றைய சிறப்பு படங்கள்

  • 24-03-2019

    24-03-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்