SUN குழுமத்திலிருந்து வெளிவரும் காலை நாளிதழ்

காவிரி பிரச்னையில் நீதிபதிகளுக்கு எதிராக வழக்கு தொடர்ந்தவருக்கு 6 மாத சிறை தண்டனை : கர்நாடக உயர் நீதிமன்றம் அதிரடி தீர்ப்பு

2018-05-27@ 01:45:20

பெங்களூரு : காவிரி நீர் பங்கீடு வழக்கில் தீர்ப்பளித்த உச்ச நீதிமன்ற  நீதிபதிகளுக்கு எதிராக வழக்கு தொடுத்தவருக்கு 6 மாத சிறை தண்டனை அளித்து கர்நாடகா உயர்நீதிமன்றம் உத்தரவிட்டது. கர்நாடக  மாநிலம், மண்டியா மாவட்டத்தை சேர்ந்தவர் ராஜண்ணா. இவர் சமீபத்தில்  உயர் நீதிமன்றத்தில் பொதுநலன் மனு தாக்கல் செய்தார். அதில் அவர் கூறியிருப்பதாவது: காவிரி நதிநீர்  பங்கீடு வழக்கில் உச்ச நீதிமன்றம் அளித்த தீர்ப்பு, கர்நாடக  மாநில மக்களுக்கு எதிரானது. எனவே, உச்ச நீதிமன்ற நீதிபதிகள் மீது வழக்கு  தொடர அனுமதி அளிக்க வேண்டும். மேலும், காவிரி வழக்கில் தீர்ப்பளித்த அப்போதைய உச்ச நீதிமன்ற நீதிபதி டி.எஸ். தாகூர், தற்போதைய நீதிபதிகளான  தீபக் மிஸ்ரா, உதய் லலித், தமிழக மற்றும் கர்நாடக முதல்வர்கள்,  மத்திய நீர்வளத் துறை செயலாளர், கர்நாடக மற்றும் தமிழ்நாடு நீர்வளத்துறை அமைச்சர்கள் ஆகியோரை குற்றவாளிகளாக கருத வேண்டும்.

மேலும்,  ஒரு மாநிலத்தில் உள்ள தண்ணீரை பகிர்ந்தளிக்கும் உரிமை உச்ச நீதிமன்றத்துக்கு இல்லை. மேலும், கர்நாடகாவில் இருந்து தமிழகத்துக்கு 10 நாட்கள் என  நாள்தோறும் 15 ஆயிரம் கன அடி தண்ணீரை விடவேண்டும் என உச்ச நீதிமன்றம்  உத்தரவு பிறப்பித்தது. இந்த தீர்ப்பு, இந்திய தண்டனை சட்டம் பிரிவு -219ன் படி குற்றமாகும். இவ்வாறு மனுவில் அவர் கூறியுள்ளார். இந்த வழக்கு உயர் நீதிமன்றத்தில் நேற்று விசாரணைக்கு வந்தது. அப்போது,  மனுதாரர் சார்பில் ஆஜரான வழக்கறிஞரின் வாதத்தை ேகட்ட உயர் நீதிமன்றம்்,  மனுவை தள்ளுபடி செய்தது. இந்த வழக்கை தொடர்ந்த குற்றத்துக்காக மனுதாரருக்கு 6 மாத சிறை தண்டனையும்  விதித்து உத்தரவிட்டது.


மேலும் செய்திகள்

Like Us on Facebook Dinkaran Daily News
  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

  • fra

    பிரான்சில் கோலாகலமாக நடைபெற்ற தேசிய தின கொண்டாட்டம்: 200 ராணுவ வாகனங்கள் அணிவகுப்பு

  • puyal

    கிரீஸ் நாட்டில் வீசிய தீவிர புயல் காரணமாக 7 சுற்றுலாப் பயணிகள் உயிரிழப்பு: 23 பேர் படுகாயம்

படங்கள் வீடியோ கல்வி சினிமா ஜோ‌திட‌ம்