SUN குழுமத்திலிருந்து வெளிவரும் காலை நாளிதழ்

விஜயபுரா அருகே 8 விவி பேட் இயந்திரங்கள் வீச்சு : 3 பேர் கைது

2018-05-24@ 01:01:13

பெங்களூரு : விஜயபுரா அருகே வி.வி பேட் இயந்திரங்கள் வீசப்பட்ட விவகாரத்தில் தனியார் நிறுவன மேலாளர் உள்பட 3 பேரை மாவட்ட போலீசார் கைது செய்துள்ளனர். விஜயபுரா மாவட்டம் பசவனபாகேவாடி சரகத்திற்குட்பட்ட மனகூலி என்ற கிராமத்தில் தனியார் நிறுவனத்திற்கு சொந்தமான செட்டில் 8 வி.வி பேட் இயந்திரங்கள் கேட்பாரற்று கிடந்தன. இதை பார்த்த அந்த நிறுவனத்தில் பணியாற்றி வந்த கூலி தொழிலாளர்கள் வி.வி. பேட் இயந்திரங்களை கைப்பற்றி தேர்தல் அதிகாரியான மாவட்ட கலெக்டரிடம் ஒப்படைத்தனர். அதை பெற்றுக் கொண்ட கலெக்டர், சம்பந்தப்பட்ட இடத்திற்கு சென்று விசாரணை நடத்தினார். அப்போது பல்வேறு தகவல்கள் மாவட்ட கலெக்டருக்கு கிடைத்தது. இதுபற்றி விசாரணை நடத்தி நடவடிக்கை எடுக்கும்படி அவர் போலீசுக்கு உத்தரவிட்டார்.
இதையடுத்து மாவட்ட எஸ்.பி பிரகாஷ்  தலைமையிலான போலீசார் விசாரணை நடத்தி வந்தனர்.

அதில் கிடைத்த முறையான ஆதாரங்களின் பேரில் வி.வி பேட் இயந்திரங்கள் கிடந்த தனியார் நிறுவனத்தின் மேலாளர் மற்றும் 2 கூலி தொழிலாளர்களை போலீசார் கைது செய்தனர். இது குறித்து மாவட்ட எஸ்.பி பிரகாஷ் கூறியதாவது; குஜராத்தை தலைமையிடமாக கொண்ட தனியார் நிறுவனம்தான் இந்த வி.வி பேட் இயந்திரங்களை தயாரித்திருப்பது தெரியவந்தது. ஆனால் கைப்பற்றப்பட்ட இந்த வி.வி பேட் இயந்திரங்கள் விஜயபுரா மாவட்டத்திற்குரியது இல்லை. வேறு மாவட்டத்தில் பயன்படுத்தப்பட்டிருக்கிறது. மனகூலி தனியார் நிறுவன கூடாரத்திற்கு இது எப்படி வந்தது என்பது தெரியவில்லை. இதில் சிலர் மீது சந்தேகம் எழுந்தது. விசாரணையில் கிடைத்த முறையான தகவலின் பேரில் மனகூலி தனியார் நிறுவன மேலாளரான குஜராத்தை சேர்ந்த சிம்மன் பாயிபட்டேவா, பீகாரை சேர்ந்த கூலி தொழிலாளர்கள் ஹரிந்தேதிரா பாய், ராஜேஷ்வரா ஆகியோர் கைது செய்யப்பட்டுள்ளனர். இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு பாடங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்