SUN குழுமத்திலிருந்து வெளிவரும் காலை நாளிதழ்

ஸ்டெர்லைட் ஆலைக்கு உரிய பாதுகாப்பு வழங்க வேண்டும்: தூத்துக்குடி எஸ்.பி.க்கு உயர்நீதிமன்ற கிளை உத்தரவு

2018-05-18@ 15:05:00

மதுரை: ஸ்டெர்லைட் ஆலையை சுற்றியுள்ள பகுதிகளுக்கு கூடுதல் பாதுகாப்பு வழங்க தூத்துக்குடி எஸ்.பி.க்கு உயர்நீதிமன்ற மதுரை கிளை உத்தரவிட்டுள்ளது. தூத்துக்குடி ஸ்டெர்லைட் ஆலைக்கு எதிராக மே 22ம் தேதி மிகப்பெரிய அளவில் போராட்டம் நடத்தப்படும் என சமூக வலைதளங்களில் தகவல் பரவியது. இதனையடுத்து ஸ்டெர்லைட் ஆலையின் பாதுகாப்பு கருதி தொழிற்சாலை, குடியிருப்பு உள்ளிட்ட பகுதிகளை சுற்றி 1 கிலோ மீட்டர் தொலைவிற்கு 144 தடை உத்தரவு பிறப்பிக்க உத்தரவிட வேண்டும் என ஆலை நிர்வாகத்தின் சார்பில் உயர்நீதிமன்ற மதுரை கிளையில் மனுத்தாக்கல் செய்யப்பட்டது.

இந்த வழக்கானது இன்று உயர்நீதிமன்ற மதுரை கிளையில் விசாரணைக்கு வந்தது. மனுவை விசாரித்த நீதிபதி ரமேஷ், ஸ்டெர்லைட் ஆலை பாதுகாப்புக்கு கூடுதல் போலீசாரை பணியமர்த்த வேண்டும் என தூத்துக்குடி மாவட்ட காவல்துறை கண்காணிப்பாளருக்கு உத்தரவிட்டார். மேலும் நிலைமைக்கு தகுந்தவாறு ஆலையை சுற்றி 1 கி.மீ., தொலைவிற்கு 144 தடை உத்தரவு பிறப்பிப்பது தொடர்பாக வரும் 21ம் தேதிக்குள் உரிய முடிவெடுக்க வேண்டும் என தூத்துக்குடி மாவட்ட ஆட்சியருக்கு உத்தரவிட்டு வழக்கினை உயர்நீதிமன்ற மதுரை கிளை முடித்து வைத்துள்ளது.

மேலும் செய்திகள்

Like Us on Facebook Dinkaran Daily News
  • 20-10-2018

    20-10-2018 இன்றைய சிறப்பு படங்கள்

  • tirupathivavacha

    திருப்பதி நவராத்திரி பிரம்மோற்சவம் : சக்கரத்தாழ்வார் தீர்த்தவாரியுடன் நிறைவு

  • kulasaidasaraeight

    வெகு விமர்சையாக கொண்டாப்பட்டு வரும் குலசேகரபட்டிணம் தசரா திருவிழா

  • 18-10-2018

    18-10-2018 இன்றைய சிறப்பு படங்கள்

  • thaneerrr_kaari

    தொடரும் தண்ணீர் லாரி உரிமையாளர்களின் வேலை நிறுத்தம் : சென்னையில் குடிநீர் தட்டுப்பாடு அபாயம்

படங்கள் வீடியோ கல்வி சினிமா ஜோ‌திட‌ம்