SUN குழுமத்திலிருந்து வெளிவரும் காலை நாளிதழ்

ஈரோடு சந்தைக்கு கறவை மாடுகள் வரத்து பாதியாக குறைந்தது : கர்நாடக வியாபாரிகள் ஏமாற்றம்

2018-05-18@ 13:02:31

ஈரோடு: ஈரோடு மாட்டு சந்தையில் கறவை மாடுகளின் வரத்து பாதியாக குறைந்ததால் கர்நாடக மாநில வியாபாரிகள் ஏமாற்றத்துடன் திரும்பிச்சென்றனர். ஈரோடு கருங்கல்பாளையம் கறவை மாட்டு சந்தை வாரந்தோறும் வியாழக்கிழமை நடைபெறுவது வழக்கமாகும். வறட்சி காரணமாக கடந்த மாதம் வரை விற்பனைக்கு வரும் மாடுகளின் வரத்து அதிக அளவில் இருந்து வந்தது. இந்நிலையில் கடந்த 2 வாரங்களாக பரவலாக கோடை மழை பெய்து வருவதால் வறட்சி நீங்கி பசுமை படர தொடங்கி உள்ளதால் தீவன தட்டுப்பாடு நீங்கி உள்ளது. இதனால் விற்பனைக்கு வரும் மாடுகளின் எண்ணிக்கை கடந்த 2 வாரங்களாக குறைந்து கொண்டே வருகிறது.

இந்நிலையில் கர்நாடக மாநில சட்டமன்ற தேர்தல் நடைபெற்றதால் குறிப்பிட்ட அளவுக்கு மேல் பணம் கொண்டு வர முடியாத நிலை ஏற்பட்டதால், கடந்த ஒரு மாதகாலமாக அந்த மாநில வியாபாரிகளின் வருகை இல்லாமல் இருந்து வந்தது. தேர்தல் முடிவடைந்ததையடுத்து நேற்று ஈரோடு மாட்டு சந்தைக்கு அதிக அளவில் கர்நாடக மாநில மாட்டு வியாபாரிகள் ஆர்வத்துடன் வந்திருந்தனர். ஆனால் மாடுகளின் வரத்து பாதியாக குறைந்திருந்ததால் ஏமாற்றமடைந்த கர்நாடக வியாபாரிகள் குறைந்த எண்ணிக்கையிலேயே மாடுகளை வாங்கிச்சென்றனர்.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 27-05-2018

    27-05-2018 இன்றைய சிறப்பு படங்கள்

  • modi_bahvan_bang

    வங்காளதேசம் பவன் ஆய்வகத்தை திறந்து வைத்தார் பிரதமர் மோடி!

  • proteststerliteissue

    சென்னையில் தமிழ்நாடு கலை இலக்கிய ஊடக செயற்பாட்டார்கள் கூட்டமைப்பு போராட்டம்

  • LibyaCarbombAttack

    லிபியாவின் பெங்காஸி நகரில் கார் குண்டு தாக்குதல்: 7 பேர் பரிதாபமாக உயிரிழப்பு

  • Libyacarbomb7

    லிபியாவில் நடத்தப்பட்ட கார் குண்டு தாக்குதலில் 7 பேர் உயிரிழப்பு

படங்கள் வீடியோ கல்வி சினிமா ஜோ‌திட‌ம்