SUN குழுமத்திலிருந்து வெளிவரும் காலை நாளிதழ்

பழநி அருகே பாலசமுத்திரத்தில் 300 ஆண்டுகள் பழமை வாய்ந்த முத்தாலம்மன் கோயில் திருவிழா

2018-05-18@ 13:01:38

பழநி: பழநி அருகே பாலசமுத்திரத்தில் நடந்த 300 ஆண்டுகள் பழமை வாய்ந்த முத்தாலம்மன் கோயில் திருவிழாவில் ஏராளமானோர் கலந்து கொண்டனர். பழநி அருகே பாலசமுத்திரத்தில் கடந்த 300 ஆண்டுகளுக்கும் மேலாக முத்தாலம்மன் கோயில் திருவிழா விமரிசையாக கொண்டாடப்பட்டு வருகிறது. இந்த ஆண்டு இத்திருவிழா கடந்த 15 நாட்களுக்கு முன்பு சாட்டுதலுடன் துவங்கியது. பக்தர்கள் விரதமிருந்து, பல்வேறு புண்ணிய நதிகளில் இருந்து தீர்த்தம் எடுத்து வந்து அபிஷேகம் செய்து வழிபாடு நடத்தி வந்தனர். முக்கிய நிகழ்ச்சியான அம்மன் உலா வரும் நிகழ்ச்சி நேற்று அதிகாலை நடந்தது. கேரள பராம்பரிய இசையுடன், வாணவேடிக்கைகளுடன் அம்மன் மின் விளக்குகளால் அலங்கரிக்கப்பட்ட ரதத்தில் ஊரின் முக்கிய வீதிகளின் வழியாக ஊர்வலமாக செல்லும் நிகழ்ச்சி நடந்தது.

ஊர்வலத்தின்போது பல்வேறு சமூகத்தினரின் மண்டகப்படிகளில் அம்மனுக்கு சிறப்பு பூஜைகள் செய்யப்பட்டது. பெண்கள் மாவிளக்கு, முளைப்பாரி போன்றவற்றுடன் ஊர்வலமாக சென்றனர். பக்தர்கள் தங்களது வேண்டுதல்கள் நிறைவேற தீச்சட்டி எடுத்து வேண்டுதலை நிறைவேற்றினர். பல்வேறு அமைப்புகளின் சார்பில் அலங்கார ரத ஊர்வல நிகழ்ச்சி நடந்தது. இன்று காலை முத்தாலம்மன் ராமநாத நகர் சென்று கொழுவிருக்கும் நிகழ்ச்சி நடைபெறுகிறது. தொடர்ந்து பக்தர்கள் மஞ்சள் நீராடுதலுடன் விழா முடிவடையும். விழாவைக் காண பழநி பகுதி கிராமங்களில் இருந்து 5 ஆயிரத்திற்கும் மேற்பட்ட பக்தர்கள் குவிந்தனர்.


மேலும் செய்திகள்

Like Us on Facebook Dinkaran Daily News
  • 22-01-2019

    22-01-2019 இன்றைய சிறப்பு படங்கள்

  • annauniv

    அண்ணா பல்கலைக்கழகத்தில் சர்வதேச ஆவணப்படங்கள் விழா: கவர்னர் பன்வாரிலால் புரோகித் பங்கேற்பு

  • jammukashmir

    ஜம்மு-காஷ்மீர் பனிச்சரிவில் சிக்கியவர்களை கண்டுபிடிக்க தொடரும் மீட்புப்பணிகள்: 7 சடலங்கள் மீட்பு!

  • TulipflowerDay

    நெதர்லாந்தில் தேசிய துலிப் மலர் தினம் கோலாகலமாக கொண்டாடப்பட்டது

  • womesrally

    வுமென்ஸ் மார்ச் 2019: உலகின் பல்வேறு பகுதிகளில் பெண்கள் ஒன்று திரண்டு பேரணி

படங்கள் வீடியோ கல்வி சினிமா ஜோ‌திட‌ம்