SUN குழுமத்திலிருந்து வெளிவரும் காலை நாளிதழ்

ஜம்மு-காஷ்மீரில் பாகிஸ்தான் அத்துமீறி தாக்குதல்: பொதுமக்களின் பலி எண்ணிக்கை 4 ஆக உயர்வு

2018-05-18@ 12:43:12

ஜம்மு-காஷ்மீர்: ஜம்மு-காஷ்மீரில் பாகிஸ்தான் அத்துமீறி தாக்குதல் நடத்தியதில் பொதுமக்களின் பலி எண்ணிக்கை 4 ஆக உயர்நதுள்ளது. ஜம்மு-காஷ்மீர் மாநிலம் ஆர்.எஸ்.புரா பகுதியில் இன்று காலை பாகிஸ்தான் ராணுவத்தினர் அத்துமீறி தாக்குதல் நடத்தினர். இந்திய நிலைகள் மீது மோர்டார்ஸ் மற்றும் துப்பாக்கியால் சுட்டனர்.  இதற்கு இந்திய வீரர்களும் பதில் தாக்குதல் நடத்தினர். இந்த தாக்குதலில் எல்லை பாதுகாப்பு படை வீரர் சீதாராம் உபதாய் வீரமரணம் அடைந்தார்.

மேலும் பொதுமக்களில் 2 பேர் படுகாயமடைந்துள்ளனர்.
இதில் படுகாயமடைந்த 2 பேரும் மருத்துவமனையில் சிகிச்சை பலனின்றி உயிரிழந்துள்ளனர் என்று ஏற்கனவே தகவல் வெளியாகியது. இந்நிலையில் அர்னியா துறையில் மேலும் 2 பொதுமக்கள் உயிரிழந்துள்ளனர் என்று தகவல் வெளியாகியுள்ளது. இதனையடுத்து அப்பாவி மக்கள் உயிரிழந்தவர்களின் எண்ணிக்கை 4 ஆக அதிகரித்துள்ளது.

பாகிஸ்தானின் அத்துமீறலால் சர்வதேச எல்லையின் 3 கிலோமீட்டர் தொலைவில் உள்ள பள்ளிகள் அனைத்தும் மூடப்பட்டதாக பள்ளி நிர்வாகம் அறிவித்துள்ளது. ரம்ஜான் பண்டிகையை ஒட்டி ஜம்மு-காஷ்மீரில் எவ்வித தாக்குதலும் நடத்த வேண்டாம் என உள்துறை அமைச்சகம் அறிவித்திருந்த நிலையில், இன்று அதிகாலை நடைபெற்ற தாக்குதலில் வீரர் உட்பட 5 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • thaneerrr_kaari

    தொடரும் தண்ணீர் லாரி உரிமையாளர்களின் வேலை நிறுத்தம் : சென்னையில் குடிநீர் தட்டுப்பாடு அபாயம்

  • gold_navaratchri11

    நவராத்திரி பிரம்மோற்சவ விழாவை முன்னட்டு திருப்பதியில் தங்க தேரோட்டம்

  • balore_arrrres1

    சட்டவிரோதமாக இந்தியாவிற்குள் நுழைந்த வங்காளதேசத்தை சேர்ந்த 31 பேர் அதிரடியாக கைது

  • gasa_vanvali111

    காசாவில் இஸ்ரேல் கடற்படையினர் துப்பாக்கிச்சூடு : 32 பாலஸ்தீனர்கள் பரிதாபமாக பலி

  • hondu_aaas1

    அதிக வறுமை, ஊழல் நிலவும் ஹோண்டுராஸ் நாட்டில் இருந்து சுமார் 1,500 குடியேறிகள் அமெரிக்கா நோக்கி பயணம்

படங்கள் வீடியோ கல்வி சினிமா ஜோ‌திட‌ம்