SUN குழுமத்திலிருந்து வெளிவரும் காலை நாளிதழ்

உச்சநீதிமன்றத்தின் தீர்ப்பு அரசியலமைப்பின் அறநெறி மற்றும் ஜனநாயகத்தை உறுதிப்படுத்தியுள்ளது: வழக்கறிஞர் அஷ்வானி குமார்

2018-05-18@ 12:08:37

புதுடெல்லி: உச்சநீதிமன்றத்தின் தீர்ப்பு அரசியலமைப்பின் அறநெறி மற்றும் ஜனநாயகத்தை உறுதிப்படுத்தியுள்ளது என்று காங்கிரஸ் தரப்பு வழக்கறிஞர் அஷ்வானி குமார் கூறியுள்ளார். கர்நாடகாவில் நம்பிக்கை வாக்கெடுப்பு நடத்த கால அவகாசம் கோரிய பாரதிய ஜனதாவின் கோரிக்கையை நிராகரித்த உச்சநீதிமன்றம், நாளை மாலை 4 மணிக்கு பெரும்பான்மையை நிரூபிக்க உத்தரவிட்டுள்ளது. இந்நிலையில் நம்பிக்கை வாக்கெடுப்பு நடத்த தேவையான அனைத்து பாதுகாப்பு ஏற்பாடுகள் மற்றும் வாக்கெடுப்பிற்கு வரும் அனைத்து எம்எல்ஏக்களுக்கும் உரிய பாதுகாப்பு வழங்க வேண்டும் என கர்நாடக டிஜிபிக்கு உச்சநீதிமன்றம் உத்தரவிட்டுள்ளது.

இதனையடுத்து செய்தியாளர்களிடம் பேசிய அஷ்வானி குமார் உச்சநீதிமன்றத்தின் இந்த தீர்ப்பு கொண்டாடப்பட வேண்டியதாகும் என்று கூறியுள்ளார். உச்சநிதிமன்றத்தின் மீதான நம்பிக்கை மீண்டும் நிரூபிக்கப்பட்டுள்ளது என்றும் அவர் கூறியுள்ளார். நாளை மாலை 4 மணிக்கு நம்பிக்கை வாக்கெடுப்பு நடத்த வேண்டும் என்ற உச்சநீதிமன்றத்தின் தீர்ப்பு வரலாற்று சிறப்பு வாய்ந்ததாகும் என்று அபிஷேக் மனு சிங்கி செய்தியாளர்களிடம் கூறியுள்ளார். தேர்தலில் வெற்றி பெற்றவர்கள் நாளைக்கு எம்.எல்.ஏவாக பதவியேற்று நம்பிக்கை வாக்கெடுப்பில் பங்கேற்க வேண்டும் என்றும், பெரும்பான்மையை நிரூபிக்கும் வரை முக்கிய முடிகளை எடியூரப்பா எடுக்க கூடாது என்று உச்சநீதிமன்றம் உத்தரவிட்டுள்ளதாகவும் அவர் கூறியுள்ளார்.


மேலும் செய்திகள்

Like Us on Facebook Dinkaran Daily News
  • 19-01-2019

    19-01-2019 இன்றைய சிறப்பு படங்கள்

  • ChillaiKalanKashmir

    கடுமையான பனிப்பொழிவால் வெண் நிற ஆடை போர்த்தியது போல் காட்சியளிக்கும் காஷ்மீர்: கண்களை குளிர்விக்கும் புகைப்படங்கள்

  • bombblastcolombia

    கொலம்பியாவில் கார் வெடிகுண்டு வெடித்து விபத்து: 9 பேர் உயிரிழந்த பரிதாபம்!

  • chinafiredrone

    மின்கம்பிகளில் தொங்கும் குப்பைகளை அழிக்க தீயை உமிழும் ட்ரோன் சீனாவில் கண்டுபிடிப்பு!

  • horse_apain12

    விலங்குகளை சுத்தப்படுத்தும் திருவிழா : நெருப்புக்குள் குதிரைகளை செலுத்தும் ஸ்பெயின் மக்கள்

படங்கள் வீடியோ கல்வி சினிமா ஜோ‌திட‌ம்