SUN குழுமத்திலிருந்து வெளிவரும் காலை நாளிதழ்

கோவையில் விவசாயிடம் ரூ.30 ஆயிரம் லஞ்சம் வாங்கிய சர்வேயர் கைது

2018-05-18@ 01:58:40

கோவை: கோவையில் விவசாயியிடம் ரூ.30 ஆயிரம் லஞ்சம் வாங்கிய சர்வேயரை லஞ்ச ஒழிப்பு போலீசார் கைது செய்தனர். கோவை சிங்காநல்லூர்  அருகேயுள்ள எஸ்.ஐ.எச்.எஸ் காலனியை சேர்ந்தவர் கதிரேசன் (57). சூலூரில் சர்வேயராக பணியாற்றி வருகிறார். இவர் நேற்று மதியம் சூலூர் நில  அளவை பிரிவு அலுவலகத்தில் பணியில் இருந்தார். அப்போது விவசாயி ஒருவர் செஞ்சேரிமலையில் உள்ள தனது மாமனாருக்கு சொந்தமான 2.5  ஏக்கர் நிலத்தை இரு பாகமாக உட்பிரிவு செய்து தரவேண்டும் என கேட்டார்.

 அப்போது கதிரேசன் 30 ஆயிரம் ரூபாய் தந்தால்தான் உட்பிரிவு செய்து தரமுடியும் எனக்கூறியுள்ளார். முதல் கட்டமாக கடந்த வாரம் 10 ஆயிரம்  ரூபாய் கொடுத்துள்ளார். மேலும் 20 ஆயிரம் ரூபாய் தர சொல்லி கதிரேசன் கட்டாயப்படுத்தியுள்ளார். இதனால், கோவை லஞ்ச ஒழிப்பு போலீசாருக்கு  விவசாயி புகார் தெரிவித்தார். டி.எஸ்.பி ராஜேஷ் தலைமையிலான போலீசார் அளித்த ஆலோசனையின் பேரில், கதிரேசனிடம் ரசாயனம் தடவிய 20  ஆயிரம் ரூபாயை விவசாயி கொடுத்தார். அப்போது போலீசார் அவரை கையும் களவுமாக பிடித்து கைது செய்தனர்.

 கதிரேசன், 2 ஆண்டிற்கு முன் கோவை கலெக்டர் அலுவலகத்தில் சர்வேயராக பணியாற்றியபோது அவரது உதவியாளர் தனக்கு தெரியாமல் 10  ஆயிரம் ரூபாய் லஞ்சம் வாங்கியதை கண்டுபிடித்துள்ளார். தனக்கு பங்கு தராத ஆத்திரத்தில் அவரை சரமாரியாக தாக்கினார். இந்த காட்சி வாட்ஸ்அப்,  பேஸ்புக்கில் அப்போது பரவியது. இதை தொடர்ந்து கதிரேசன் சஸ்பெண்ட் செய்யப்பட்டார். தற்போது, மீண்டும் லஞ்ச ஒழிப்பு போலீசாரால் அவர் கைது  செய்யப்பட்டுள்ளது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • 19-01-2019

    19-01-2019 இன்றைய சிறப்பு படங்கள்

  • ChillaiKalanKashmir

    கடுமையான பனிப்பொழிவால் வெண் நிற ஆடை போர்த்தியது போல் காட்சியளிக்கும் காஷ்மீர்: கண்களை குளிர்விக்கும் புகைப்படங்கள்

  • bombblastcolombia

    கொலம்பியாவில் கார் வெடிகுண்டு வெடித்து விபத்து: 9 பேர் உயிரிழந்த பரிதாபம்!

  • chinafiredrone

    மின்கம்பிகளில் தொங்கும் குப்பைகளை அழிக்க தீயை உமிழும் ட்ரோன் சீனாவில் கண்டுபிடிப்பு!

  • horse_apain12

    விலங்குகளை சுத்தப்படுத்தும் திருவிழா : நெருப்புக்குள் குதிரைகளை செலுத்தும் ஸ்பெயின் மக்கள்

படங்கள் வீடியோ கல்வி சினிமா ஜோ‌திட‌ம்