SUN குழுமத்திலிருந்து வெளிவரும் காலை நாளிதழ்

கச்சா எண்ணெயை தொடர்ந்து ரப்பர் விலை உயர்வால் டயர் விலை அதிகரிக்குமா?

2018-05-18@ 01:43:30

புதுடெல்லி: ரப்பர் விலை அதிகரித்து வருவதால் டயர் விலை உயருமா என்ற எதிர்பார்ப்பு உருவாகியுள்ளது.  கச்சா எண்ணெய் விலையை தொடர்ந்து,  சிந்தடிக் ரப்பர் விலை சர்வதேச சந்தையில் அதிகரித்து வருகிறது. டயர் தயாரிப்பில் ஈடுபட்டு வரும் நிறுவனங்கள் உட்பட, ரப்பர் தேவைக்கு இந்தியா  பாதிக்கும் மேலாக இறக்குமதியை மட்டுமே சார்ந்துள்ளது. சிந்தடிக் ரப்பர் இறக்குமதி 20 முதல் 25 சதவீதம் வரை அதிகரித்துள்ளது.  இறக்குமதி  செய்யக்கூடிய சிந்தடிக் ரப்பர் விலை ஒரு வாரம் முன்பு டன்னுக்கு 1,600 முதல் 1,700 டாலர் வரை இருந்தது. இது தற்போது 2,000 டாலராக  அதிகரித்துள்ளது. என ரப்பர் உற்பத்தி தொழிற்சாலை அதிகாரி ஒருவர் தெரிவித்துள்ளார்.

 நீண்டகாலமாக மந்த நிலையில் இருந்த கார் விற்பனை விறுவிறுப்படைய தொடங்கியுள்ளது. குறிப்பாக பயணிகள் கார் விற்பனை அதிகரித்துள்ளது.  இதனால் டயர் நிறுவனங்களுக்கு ரப்பர் தேவை உயர்ந்துள்ளது. பயணிகள் கார்களில் அதிக வேகம் மற்றும் செயல்திறனுக்காக சிந்தடிக் ரப்பர்களே  பயன்படுத்தப்படுகின்றன.  இதுகுறித்து டயர் தயாரிப்பு தொழில்துறையினர் கூறுகையில், சிந்தடிக் ரப்பர் பற்றாக்குறையை இயற்கை ரப்பர் ஈடுகட்டும்  என்ற நம்பிக்கை உள்ளது. தற்போதைக்கு டயர் விலையை உயர்த்தக்கூடிய அவசியம் ஏற்படவில்லை. ஆனால், டயர் உற்பத்தி துறையினருக்கு இது  இழப்பை ஏற்படுத்தியுள்ளது. சர்வதேச சந்தையில் ரப்பர் விலை உயர்ந்துள்ள நிலையில், டாலருக்கு நிகரான ரூபாய் மதிப்பும் சிக்கலை  ஏற்படுத்தியுளளது.


மேலும் செய்திகள்

Like Us on Facebook Dinkaran Daily News
  • 19-01-2019

    19-01-2019 இன்றைய சிறப்பு படங்கள்

  • ChillaiKalanKashmir

    கடுமையான பனிப்பொழிவால் வெண் நிற ஆடை போர்த்தியது போல் காட்சியளிக்கும் காஷ்மீர்: கண்களை குளிர்விக்கும் புகைப்படங்கள்

  • bombblastcolombia

    கொலம்பியாவில் கார் வெடிகுண்டு வெடித்து விபத்து: 9 பேர் உயிரிழந்த பரிதாபம்!

  • chinafiredrone

    மின்கம்பிகளில் தொங்கும் குப்பைகளை அழிக்க தீயை உமிழும் ட்ரோன் சீனாவில் கண்டுபிடிப்பு!

  • horse_apain12

    விலங்குகளை சுத்தப்படுத்தும் திருவிழா : நெருப்புக்குள் குதிரைகளை செலுத்தும் ஸ்பெயின் மக்கள்

படங்கள் வீடியோ கல்வி சினிமா ஜோ‌திட‌ம்